Kastró sagður allur

Fídel Kastró, Kúbuforseti, er látinn samkvæmt sænska héraðsfréttablaðinu Norra Skåne. Blaðið birti þessa frétt í gær og hafði eftir heimildarmönnum sínum að formlega yrði tilkynnt um þetta á miðnætti í gærkvöldi. Engar fréttir hafa borist af andláti Kastrós í morgun og aðrar fréttir hermdu í gær að byltingarleiðtoginn aldni væri við góða heilsu.

Fréttaristjóri Norra Skåne sagði í samtali við sænska blaðið Expressen að heimildirnar hafi verið afar áreiðanlegar og því hefði verið rangt að birta þetta ekki. Nú þarf Kastró gamli bara að koma fram opinberlega til að kveða orðróminn um andlát sitt í kútinn sé hann ekki á rökum reistur.