Geirmundur Kristinsson formaður bankaráðs Icebank

Í framhaldi af breytingum á eignarhaldi Icebank var kjörið nýtt bankaráð á hluthafafundi í dag. Á fyrsta fundi nýs bankaráðs var Geirmundur Kristinsson kjörinn formaður og Grímur Sæmundsen varaformaður.

Nýtt bankaráð Icebank er þannig skipað:

Aðalmenn

Friðrik Friðriksson, sparisjóðsstjóri, Sparisjóði Svarfdæla

Geirmundur Kristinsson, sparisjóðsstjóri, Sparisjóðnum í Keflavík

Gísli Kjartansson, sparisjóðsstjóri, Sparisjóði Mýrasýslu

Grímur Sæmundsen, forstjóri, Bláa lóninu

Steinþór Jónsson, hótelstjóri, Hótel Keflavík

Varamenn

Ásgeir Sólbergsson, sparisjóðsstjóri, Sparisjóði Bolungarvíkur

Guðmundur Hauksson, forstjóri, SPRON

Ólafur Elísson, sparisjóðsstjóri, Sparisjóði Vestmannaeyja

Pétur Hafsteinn Pálsson, framkvæmdastjóri, Vísi

Sveinn Hannesson, framkvæmdastjóri, Gámaþjónustunni

Tveir stærstu sparisjóðir landsins, BYR og SPRON, hafa selt megnið af eignarhlut sínum í bankanum til annarra sparisjóða, helstu stjórnenda bankans og utanaðkomandi fjárfesta. Eftir viðskiptin eiga sparisjóðirnir áfram meirihluta, eða 57,3% hlutafjár. Með afnámi á öllum takmörkunum á eignarhaldi í samþykktum bankans og aðkomu nýrra hluthafa er stigið mikilvægt skref í framþróun hans og öflugri sókn innan lands og utan.