Endurbætur vega í Skriðdal

Bæjarráð Fljótsdalshéraðs telur brýnt að bæta vegakafla hrigvegarins um Haugaá og Vatnsdalsá í Skriðdal. Á þessu svæði er hringvegurinn mjór malarvegur og á honum eru krappar beygjur og mjóar brýr sem komnar eru til ára sinna. Bæjarráðið telur að fyrirhuguð vegagerð á þessu svæði bæti umferðaröryggi mikið og minnki hættu á umferðar- og mengunarslysum.

Bæjarráðið telur þessa vegagerð ekki þurfa að vera háða mati á umhverfisáhrifum, þar sem hún hafi ekki umtalsverð umhverfisáhrif, hvorki með tilliti til umfangs, eðlis né staðsetningar.