Haraldi enn haldið sofandi

Líðan Haraldar Hannesar Guðmundssonar, sem lenti í fólskulegri líkamsárás í London um þarsíðustu helgi, er óbreytt. Honum er haldið sofandi í öndunarvél.

Um helgina var svefnlyfjaskammtur Haralds minnkaður til að athuga hvort hann myndi vakna. Hann komst hins vegar ekki til meðvitundar að sögn Harðar Helga Helgasonar, vinar hans. Aftur verður reynt að vekja Harald á næstu dögum.

Að sögn Roberts Gurr, hjá lögreglunni í Bethnal Green í London, hefur rannsókn málsins ekki skilað árangri.