Eflir GSM sambandið á Hvolsvelli og nágrenni

Og Vodafone hefur eflt GSM kerfi sitt í Rangárþingi eystra með uppsetningu á nýjum búnaði sem tryggir viðskiptavinum á svæðinu enn betri þjónustu en áður. Bætt þjónusta nær einkum til Hvolsvallar og nágrenni.

Þá hefur Og Vodafone bætt GSM samband við Klapparhlíð í Mosfellsbæ með nýjum sendi. Með þessum hætti er viðskiptavinum tryggð betri þjónusta í nýjum og nýlegum hverfum, svo sem í Höfða- og Hlíðahverfi. Þá tryggir nýr sendir hnökralaust samband fyrir farþega bifreiða sem eiga leið um Mosfellsbæ.