Ögmundur, Katrín og Kolbrún í fyrsta sæti eftir 700 atkvæði

Ögmundur Jónasson er með flest atkvæði í fyrsta sæti hjá Vinstrihreyfingunni grænu framboði í kjördæmunum þremur á höfuðborgarsvæðinu fyrir alþingiskosningar í vor eftir að 700 atkvæði hafa verið talin. Forval fór fram í Reykjavík, Hafnarfirði og Mosfellsbæ í dag. Katrín Júlíusdóttir hlaut næstflest atkvæði í fyrsta sæti og Kolbrún Halldórsdóttir var þriðja inn í fyrsta sæti í kjördæmunum þremur. Á kjörskrá voru 1796, klukkan 21:30 var kjörsókn um 60%.

Þegar 700 atkvæði hafa verið talin er staðan svohljóðandi:

Flest atkvæði í fyrsta sæti

Ögmundur Jónasson 552

Katrín Jakobsdóttir 450

Kolbrún Halldórsdóttir 384

næst inn í fyrst sæti

Álfheiður Ingadóttir 185

 

Flest atkvæði í annað sæti

Guðfríður Lilja Grétarsdóttir 513

Álfheiður Ingadóttir 366

Árni Þór Sigurðsson 294

næstur inn í annað sætið

Gestur Svavarsson 198

 

Flest atkvæði í þriðja sæti

Gestur Svavarsson 320

Auður Lilja Erlingsdóttir 302

Guðmundur Magnússon 252

næstur inn í þriðja sæti

Paul Nicolov 238

 

Flest atkvæði í fjórða sæti

Mireya Samper 331

Paul Nicolov 326

Steinunn Þóra Árnadóttir 315

næst inn í fjórða sæti

Andrea Ólafsdóttir 290

Forval Vinstri-grænna er að því leiti óvenjulegt að frambjóðendum verður síðar raðað á þrjá lista, Reykjavík suður, Reykjavík norður og Suðvesturkjördæmi. Vinstri-grænir hafa nú þingmann í sitthvoru Reykjavíkurkjördæminu en engan í Suðvesturkjördæmi, kraganum svokallaða.

Ögmundur Jónasson er þingmaður Vinstri-grænna í Reykjavík suður en Kolbrún Halldórsdóttir í Reykjavík norður. Úrslit úr forvalinu eru leiðbeinandi og eftirleikurinn í höndum kjörstjórnar.