Á fjórða hundrað hafa tekið þátt í prófkjöri

Á hádegi höfðu þrjú hundruð og fimmtíu manns greitt atkvæði í prófkjöri Sjálfstæðisflokksins í Norðausturkjördæmi. Alls gefa níu einstaklingar kost í prófkjörinu, sex karlar og þrjár konur. Þrír sækjast eftir því að leiða listann, Arnbjörg Sveinsdóttir formaður þingflokks Sjálfstæðismanna, Kristján Þór Júlíusson bæjarstjóri á Akureyri og Þorvaldur Ingvarsson lækningaforstjóri.

Ekki er búist við fyrstu tölum fyrr en annað kvöld. Það tekur sinn tíma að safna saman kjörkössum frá 22 kjörstöðum í þessu kjördæmi sem spannar 1500 kílómetra.