Seldu fyrir milljarð

Innlendir aðilar seldu erlend verðbréf fyrir einn milljarð króna í maí síðastliðnum samkvæmt tölum frá Seðlabanka Íslands. Nokkuð jafnt var keypt af hluta- og skuldabréfum.

Fram kemur á vef greiningardeildar Glitnis að eftir mikinn straum fjármagns í kaup á erlendum verðbréfum virðist breyting hafa orðið á. Síðustu þrjá mánuði hafi verið seld verðbréf fyrir 3,1 milljarð króna samanborið við 81,1 milljarðs kaup þrjá mánuðina þar á undan. Telur greiningardeildin að þessi viðsnúningur sé til þess fallinn að draga úr gengislækkun krónunnar.