Bandaríkjastjórn breyti aðferðum sínum

Stjórnvöld í Íran segja að Bandaríkjastjórn verði að breyta aðferðum sínum, ef hún vilji að samskipti milli ráðamanna í Teheran, höfuðborg Írans, og Washington breytist í framtíðinnni. Reuters-fréttastofan greindi frá þessu fyrir stundu. Condoleezza Rice, utanríkisráðherra Bandaríkjanna, tilkynnti í gær að stjórnvöld í Washington væru tilbúin til viðræðna við Írana um stefnu þeirra í kjarnorkumálum. Það skilyrði er þó sett að Íranar hætti þegar auðgun úrans. Javier Solana, yfirmaður utanríkismála í Evrópusambandinu, fagnaÐI í gær breyttri afstöðu Bandaríkjastjórnar í kjarnorkudeilunni við Írana, og það gerðu einnig utanríkisráðherra Bretlands og talsmaður kínveskra stjórnvalda. Utanríkisráðherrar ríkjanna fimm sem hafa neitunarvald í Öryggisráði Sameinuðu þjóðanna, Bretland, Bandaríkin, Rússland, Þýskaland og Kína, hyggjast ræða málið í Vín í Austurríki í dag.