Gott kvöld hjá Íslendingum

Þrír leikir fóru fram í þýsku úrvalsdeildinni í handbolta í kvöl og segja má að þar voru íslensku leikmennirnir áberandi eins og svo oft áður. Snorri Steinn Guðjónsson skoraði 8 mörk og Einar Örn Jónsson 3 þegar hans menn í Minden unnu sjaldgæfan útisigur á Melsungen 27-28.

Alexander Petersson og Einar Hólmgeirsson skoruðu 6 mörk hvor fyrir Grosswallstadt þegar liðið skellti Hildesheim 35-25 og þá skoraði Þórir Ólafsson 4 mörk fyrir Lubbecke þegar liðið lagði Balingen 33-29.