Glitter dæmdur í þriggja ára fangelsi

Gamli rokkarinn Gary Glitter var í morgun dæmdur í þriggja ára fangelsi fyrir ósæmilega hegðun með tveimur ungum stúlkum frá Víetnam í fyrra.

Dómaranum í réttarhöldunum þótti sýnt að framburður stúlknanna tveggja, sem voru tíu og ellefu ára þegar atburðirnir áttu sér stað, væri réttur og verjendur Glitters hefðu ekki fært fram neitt sem benti til sakleysis hans. Glitter var afar óhress þegar dómurinn féll og hrópaði yfir réttarsalinn að hann væri saklaus og þetta væri eitt stórt samsæri. Hann afplánar dóminn í Víetnam, en verður að því loknu fluttur burt úr landinu.