Justin hjálpar Duran

Söngvarinn Justin Timberlake þarf ekki að hafa neinar áhyggjur af nýjustu plötu sinni „Futuresex/lovesounds" en hún selst í bílförmum þessa dagana. Í stað þess hefur kappinn ákveðið að hjálpa gömlum stjörnum en hann útsetur næstum öll lögin á nýrri plötu hljómsveitarinnar Duran Duran.

Samkvæmt söngvara hljómsveitarinnar, Simon Le Bon, eru það margir frægir framleiðendur sem vilja vinna með þessari gömlu hljómsveit en auk Justins vinnur hinn þekkti Timbaland einnig að plötunni. Það verður því forvitnilegt að sjá þessa endurkomu Íslandsvinanna.