Einlægi Írinn gefur út 9 6. nóvember 2006 16:30 Írski trúbadorinn Damien Rice gefur í dag út sína aðra hljóðversplötu, 9. Fylgir hún á eftir miklum vinsældum O, sem kom út fyrir fjórum árum. Freyr Bjarnason leit yfir feril þessa hugljúfa tónlistarmanns. Damien Rice sló rækilega í gegn með frumraun sinni, O. Þar heilluðust menn af einlægni þessa smávaxna Íra og fallegum lagasmíðunum þar sem angurværðin var í fyrirrúmi. Lög af plötunni hljómuðu í kjölfarið ótt og títt bæði í sjónvarpi og kvikmyndum, þar á meðal Closer, auk þess sem útvarpsstöðvar voru duglegar við að spila Damien Rice. Ári síðar gaf hann síðan út plötuna B-sides sem hafði að geyma sjö lög sem ekki höfðu verið gefin út í Bandaríkunum áður. Fékk sú plata einnig mjög góðar viðtökur.Þrisvar á ÍslandiBiðin eftir nýju plötunni hefur því verið erfið á meðal aðdáenda hans. Hér á landi minnast menn vafalítið tvennra eftirminnilegra tónleika sem hann hélt á Nasa fyrir tveimur árum. Hreifst hann svo mjög af landi og þjóð er hann var staddur hér vegna fyrri tónleikanna að hann bað sérstaklega um að fá að halda hér aðra tónleika. Einnig spilaði hann á náttúruverndartónleikunum í Laugardalshöllinni í byrjun ársins ásamt fleiri listamönnum. Flutti til ÍtalíuDamien Rice, sem verður 36 ára í desember, eyddi æskuárum sínum í smábænum Cebridge á Írlandi. Málaði hann málverk og samdi lög og á endanum stofnaði hann hljómsveitina Juniper. Gerði sveitin samning við útgáfufyrirtækið Polygram árið 1997 og átti tvo ágætlega vinsæl lög í írska útvarpinu. Þegar vandræði komu upp í kringum upptökur á fyrstu plötu sveitarinnar tók Rice pokann sinn og flutti til Ítalíu árið 1999. Þar, og víðar um Evrópu, flakkaði hann um með gítarinn sinn og söng fyrir gesti og gangandi.Innan við ári síðar fluttist hann heim til Írlands og tók upp plötuna O eftir að hafa fengið hjálp frá vini sínum David Arnold, sem hafði góð sambönd innan tónlistargeirans. Líkaði honum vel við tónlist Rice og ákvað að gefa honum tækifæri.Stjarna fæddFyrsta smáskífulagið, The Blower"s Daughter, fór beint á topp 20 haustið 2001 og ljóst var að ný stjarna var fædd. Platan kom út 2002 og var mjög vel tekið og fékk Rice Shortlist-tónlistarverðlaunin árið eftir. Honum til aðstoðar á plötunni var m.a. söngkonan Lisa Hannigan sem kom fram á seinni tónleikunum á Nasa og sellóleikarinn Vyvienne Long. Voru þær honum og til halds og trausts á nýju plötunni, enda nauðsynleg viðbót við fallega tóna Rice. Til stuðnings Suu KyiRice hefur einnig látið sig mannréttindi og umhverfismál varða, eins og náttúruverndartónleikarnir í Höllinni bera vott um. Hefur hann m.a. studd dyggilega við lýðræðissinnann Aung San Suu Kyi frá Mjanmar sem hefur verið í stofufangelsi þar í landi vegna stjórnmálaskoðana sinna. Rice gaf út lagið Unplayed Piano í fyrra og rann allur ágóðinn af sölu þess til baráttunnar fyrir frelsi Suu Kyi. Smáskífulagið 9 CrimesFyrsta smáskífulag 9 heitir 9 Crimes. Á plötunni eru tíu lög og er hvert öðru betra. Er ljóst að Rice hefur tekist að fylgja eftir vinsældum fyrstu plötunnar með annarri gæðaplötu, þar sem rólegheitin og innlifunin eru sem fyrr í fyrirrúmi.Til að fylgja plötunni eftir mun Rice fara í tónleikaferð um Bandaríkin í nóvember og desember. Hann mun jafnframt spila í kvöldþætti Jays Leno 9. nóvember, í þætti Jools Holland kvöldið eftir og hinn 17. verður hann í þætti Conans O'Brien. Eftir áramót má búast við umfangsmikilli tónleikaferð um Evrópu. Menning Mest lesið Myndaveisla: Ekkert gefið eftir í forsetafögnuði ísdrottningarinnar Lífið Forðast drama eins og heitan eldinn Lífið Fyrsti takóstaðurinn sem fær Michelin-stjörnu Matur Af vængjum fram: „Ég ætla ekkert að fara að gráta hérna“ Lífið Forseti Hæstaréttar og Kristján Loftsson í gámapartýi Lífið Steldu stílnum af konunum í forsetaframboði Tíska og hönnun „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Öll með aðstöðu til að fagna sigri með stuðningsmönnum Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Írski trúbadorinn Damien Rice gefur í dag út sína aðra hljóðversplötu, 9. Fylgir hún á eftir miklum vinsældum O, sem kom út fyrir fjórum árum. Freyr Bjarnason leit yfir feril þessa hugljúfa tónlistarmanns. Damien Rice sló rækilega í gegn með frumraun sinni, O. Þar heilluðust menn af einlægni þessa smávaxna Íra og fallegum lagasmíðunum þar sem angurværðin var í fyrirrúmi. Lög af plötunni hljómuðu í kjölfarið ótt og títt bæði í sjónvarpi og kvikmyndum, þar á meðal Closer, auk þess sem útvarpsstöðvar voru duglegar við að spila Damien Rice. Ári síðar gaf hann síðan út plötuna B-sides sem hafði að geyma sjö lög sem ekki höfðu verið gefin út í Bandaríkunum áður. Fékk sú plata einnig mjög góðar viðtökur.Þrisvar á ÍslandiBiðin eftir nýju plötunni hefur því verið erfið á meðal aðdáenda hans. Hér á landi minnast menn vafalítið tvennra eftirminnilegra tónleika sem hann hélt á Nasa fyrir tveimur árum. Hreifst hann svo mjög af landi og þjóð er hann var staddur hér vegna fyrri tónleikanna að hann bað sérstaklega um að fá að halda hér aðra tónleika. Einnig spilaði hann á náttúruverndartónleikunum í Laugardalshöllinni í byrjun ársins ásamt fleiri listamönnum. Flutti til ÍtalíuDamien Rice, sem verður 36 ára í desember, eyddi æskuárum sínum í smábænum Cebridge á Írlandi. Málaði hann málverk og samdi lög og á endanum stofnaði hann hljómsveitina Juniper. Gerði sveitin samning við útgáfufyrirtækið Polygram árið 1997 og átti tvo ágætlega vinsæl lög í írska útvarpinu. Þegar vandræði komu upp í kringum upptökur á fyrstu plötu sveitarinnar tók Rice pokann sinn og flutti til Ítalíu árið 1999. Þar, og víðar um Evrópu, flakkaði hann um með gítarinn sinn og söng fyrir gesti og gangandi.Innan við ári síðar fluttist hann heim til Írlands og tók upp plötuna O eftir að hafa fengið hjálp frá vini sínum David Arnold, sem hafði góð sambönd innan tónlistargeirans. Líkaði honum vel við tónlist Rice og ákvað að gefa honum tækifæri.Stjarna fæddFyrsta smáskífulagið, The Blower"s Daughter, fór beint á topp 20 haustið 2001 og ljóst var að ný stjarna var fædd. Platan kom út 2002 og var mjög vel tekið og fékk Rice Shortlist-tónlistarverðlaunin árið eftir. Honum til aðstoðar á plötunni var m.a. söngkonan Lisa Hannigan sem kom fram á seinni tónleikunum á Nasa og sellóleikarinn Vyvienne Long. Voru þær honum og til halds og trausts á nýju plötunni, enda nauðsynleg viðbót við fallega tóna Rice. Til stuðnings Suu KyiRice hefur einnig látið sig mannréttindi og umhverfismál varða, eins og náttúruverndartónleikarnir í Höllinni bera vott um. Hefur hann m.a. studd dyggilega við lýðræðissinnann Aung San Suu Kyi frá Mjanmar sem hefur verið í stofufangelsi þar í landi vegna stjórnmálaskoðana sinna. Rice gaf út lagið Unplayed Piano í fyrra og rann allur ágóðinn af sölu þess til baráttunnar fyrir frelsi Suu Kyi. Smáskífulagið 9 CrimesFyrsta smáskífulag 9 heitir 9 Crimes. Á plötunni eru tíu lög og er hvert öðru betra. Er ljóst að Rice hefur tekist að fylgja eftir vinsældum fyrstu plötunnar með annarri gæðaplötu, þar sem rólegheitin og innlifunin eru sem fyrr í fyrirrúmi.Til að fylgja plötunni eftir mun Rice fara í tónleikaferð um Bandaríkin í nóvember og desember. Hann mun jafnframt spila í kvöldþætti Jays Leno 9. nóvember, í þætti Jools Holland kvöldið eftir og hinn 17. verður hann í þætti Conans O'Brien. Eftir áramót má búast við umfangsmikilli tónleikaferð um Evrópu.
Menning Mest lesið Myndaveisla: Ekkert gefið eftir í forsetafögnuði ísdrottningarinnar Lífið Forðast drama eins og heitan eldinn Lífið Fyrsti takóstaðurinn sem fær Michelin-stjörnu Matur Af vængjum fram: „Ég ætla ekkert að fara að gráta hérna“ Lífið Forseti Hæstaréttar og Kristján Loftsson í gámapartýi Lífið Steldu stílnum af konunum í forsetaframboði Tíska og hönnun „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Öll með aðstöðu til að fagna sigri með stuðningsmönnum Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira