Klassík við kertaljós í Hafnarborg

Hinir árlegu kertaljósatónleikar Tríós Reykjavíkur verða haldnir í Hafnarborg í kvöld. Yfirskrift þeirra er „Klassík við kertaljós“ en jafnan skapast einstök stemmning á þessum tónleikum þar sem fögur tónlist er leikin við flöktandi kertaljós. Efniskráin miðast við að veita bæði birtu og yl inn í vitund áheyrenda.

Tríóið skipa píanóleikarinn Peter Máté, Gunnar Kvaran sellóleikari og Guðný Guðmundsdóttir fiðluleikari sem einnig mun leika á víólu á tónleikunum.

Gestur tríósins að þessu sinni verður fiðluleikarinn, Danwen Jiang, sem ættuð er frá Kína. en er búsett í bandaríkjunum þar sem hún starfar sem prófessor í fiðluelik við tónlistardeild ríkisháskólans í Arizona. Jiang er margverðlaunaður tónlistarmaður og hefur leikið inn á fjölmarga hljómdiska og hlotið lof fyrir frammistöðu sína.

Þetta er fyrsta Íslandsheimsókn Jiang sem kemur hingað fyrir milligöngu Guðnýjar Guðmundsdóttur sem hefur heimsótt Ríkisháskólann í Arizona og haldið þar masterclassa fyrir fiðlunemendur. „Þetta er því nokkurs konar skipti,“ útskýrir Jiang og áréttar að þær stöllur hafi oft leikið kammermúsík saman.

Á efnisskrá kvöldsins eru sónata eftir Beethoven, sónata fyrir tvær fiðlur eftir Prookovieff og píanó kvartett Op.47 eftir Schumann og píanó kvartett Op.47 eftir Schumann. „Þetta er mjög falleg efnisskrá, meistaraverk frá öllum tímabilum og mjög ólíkir stílar“ segir Jiang, sem við höfum skemmt okkur vel við að æfa.“

Danwen Jiang leikur Stradivarius fiðlu sem smíðuð var árið 1727 og kallast „Ex-Ries “

Tónleikarnir hefjast 20. í kvöld.