Munu umbylta bresku rokki

Aðalnúmerið á sérstöku Moshi Moshi kvöldi á Airwaves í ár er hljómsveitin Klaxons. Steinþór Helgi Arnsteinsson ræddi við Jamie Reynolds, bassaleikar og söngvara sveitarinnar, um komu Klaxons hingað og rísandi veldi sveitarinnar.

Hin ofurbreska sveit Klaxons hefur vakið umtal í heimalandi sína að undanförnu og hafa tímarit á borð við NME vart haldið vatni yfir sveitinni. Því er hér um að ræða enn eina verðandi stjórstjörnuna sem heimsækir Iceland Airwaves.

Spila kynblendings-framtíðar poppVið erum frá London, stofnuðum sveitina í nóvember síðastliðnum og núna virðast allir vera að tapa glórunni út af okkur, útskýrir Jamie afar hæverkslega. Hann segir að aðalástæðan fyrir vinsældunum sé sú að þeir komi með partíið. Við förum upp á svið og hvetjum alla til þess sleppa fram af sér beislinu sem hefur gengið vel hingað til. Sjálfur segir Jamie að tónlist Klaxons megi flokka sem kynblendings-framtíðar poppi, spilað hávært með miklum gítarhljómi. Ekki amalegt það. Ný plata og jafnframt fyrsta plata Klaxons er væntanleg í janúar og býst Jamie við að platan gjörbreyti bresku tónlistarlandslagi. Jamie vill ekki nefna nein nöfn en segir flest bresk bönd vera nokkuð leiðinleg. Klaxons ætlar þó að breyta þessu. Hlakka mikið tilJamie segist að sjálfsögðu hlakka mikið til að koma til landsins. Við höfum heyrt að íslenskir krakkir fari út eftir miðnætti, detti hressilega í það og séu brjáluð sem hljómar alveg eins hvert annað kvöld hjá okkur. Jamie hlakkar einnig mikið til að spila á Moshi Moshi kvöldinu enda stígur Klaxons á svið seinust erlendra sveita það kvöld á Listasafninu. Jamie segir hins vegar að hljómsveitin þurfi að halda af landi brott daginn eftir en lofar að koma aftur seinna, þegar hljómsveitin hefur umbylt bresku rokki. Þá getum við komið því að á Íslandi líka, segir hinn eiturhressi Jamie að lokum.