Alcoa opnar skrifstofu á Húsavík

Alcoa hefur opnað skrifstofu og upplýsingamiðstöð á Húsavík vegna vegna hugsanlegs álvers í landi Bakka við Húsavík. Þetta kemur fram í tilkynningu frá félaginu. Þar segir einnig að aðstaða Alcoa sé tekin í notkun nú þegar rannsóknir hafi leitt í ljós að engar tæknilegar hindranir standi í vegi fyrir því að álver rísi við Bakka, en það var niðurstaða fyrsta áfanga vinnunnar sem fram fer á svæðinu.

Kristján Þ. Halldórsson rekstrarverkfræðingur veitir skrifstofunni og upplýsingamiðstöðinni forstöðu. Hann er fyrsti starfsmaður Alcoa á svæðinu og hann starfar að undirbúningsvinnu vegna hugsanlegs álvers.