Ekkert Idol-kvöld á Hólmavík

Idol-kvöld verður ekki haldið í Bragganum á Hólmavík næsta föstudagskvöld eins og tvö föstudagskvöldin þar á undan, en þar söfnuðust Strandamenn saman til fylgjast með Heiðu Ólafsdóttur Idol-keppanda sem er frá Hólmavík. Eftir fyrsta Idol-kvöldið í Bragganum bárust kvartanir um að börn og unglingar yngri en átján ára hefðu verið á staðnum án forráðamanna. Síðasta föstudagskvöld var svo þeim sem yngri voru en átján ára meinaður aðgangur nema í fylgd foreldra þar sem áfengi er selt á staðnum. Aðrir samkomusalir í Hólmavík eru ekki á lausu næsta föstudag þar sem í félagsheimilinu er verið að skipuleggja Góugleði.