Níu létust í lestarslysi í L.A.

Að minnsta kosti níu létu lífið og rúmlega hundrað slösuðust þegar farþegalest fór út af sporinu og ók á aðra farþegalest og flutningalest í Los Angeles í Bandaríkjunum í dag. Samkvæmt CNN-fréttastofunni virðist sem farþegalestin hafi ekið á bíl sem var á teinunum, farið út af sporinu og rekist í aðra farþegalest og svo klesst á flutningalest. Ekki er ljóst hversu margir voru um borð í lestunum en slökkviliðsmenn berjast nú við elda sem kviknuðu í þeim um leið og þeir ganga úr skugga um hvort einhverjir séu fastir í vögnunum.