Skaðleg áhrif á fataiðnaðinn?

Evrópusambandið hyggst athuga hvort aukinn innflutningur á klæðnaði sem framleiddur er í Kína skaði evrópskan fataiðnað, að beiðni Frakklands, Ítalíu og Grikklands. Spánverjar hafa auk þess gagnrýnt mikinn innflutning á ákveðnum tegundum fatnaðar. Innflutningur til landa innan Evrópusambandsins hefur aukist um 50 til 530 prósent á fyrsta ársfjórðungi þessa árs og eru ráðamenn innan sambandsins afar áhyggjufullir af þróun mála. Jafnvel má búast við að vegna þessa verði brátt settar hömlur á það magn fatnaðar sem leyfilegt verður að flytja til Evrópu frá Kína, ef kínversk stjórnvöld grípa ekki sjálf til aðgerða á næstunni.