Fær spænskan ríkisborgararétt
Brasilíski knattspyrnumaðurinn Marcos Senna hjá Villareal er búinn að fá spænskan ríkisborgararétt. Spænski landsliðsþjálfarinn Luis Aragones getur því valið hann í spænska landsliðið. Senna er fæddur í Sao Paulo í Brasilíu en gekk í raðir Villareal fyrir þremur árum. Hann er búinn að vera einn besti maður Villareal undanfarin ár.
