Varað við flughálku

Vegagerðin varar við flughálku, einkum á Norðurlandi. Það eru hálkublettir á Holtavörðuheiði og víða á Vesturlandi en hálka á Bröttubrekku og flughált á Laxárdalsheiði. Á Vestfjörðum er víðast hálka eða hálkublettir. Þó er þungfært á Dynjandisheiði og flughált á Hrafnseyrarheiði. Flughált er líka í Hrútafirði og víða á Norðurlandi, allt austur að Mývatni. Víða er hálka á Austurlandi inn til landsins en hálkublettir með ströndinni. Hellisheiði eystri er ófær en búið er að moka Vatnsskarð eystra og eins veginn um Öxi, en þar er einnig flughált.