Met hjá Marel

Marel hagnaðist um 1,4 milljónir evra, eða 122 milljónir króna, á þriðja ársfjórðungi. Hagnaður fyrstu níu mánaða ársins var 5,2 milljónir evra eða um 450 milljónir króna. Hagnaður Marels hefur aldrei verið jafn mikill á þriðja ársfjórðungi. Hörður Arnarson, forstjóri Marels, segir að þriðji ársfjórðungur sé sögulega slakur. Vöxtur er á öllum sviðum fyrirtækisins fyrstu níu mánuði ársins. "Gengið vinnur á móti okkur, þannig að á föstu gengi er vöxturinn á bilinu fjórtán til fimmtán prósent," Uppgjör Marels er í takt við spá KB banka en talsvert hærra en greiningardeildir Íslandsbanka og Landsbankans gerðu ráð fyrir.