Morgan Stanley ráðleggur

Einkavæðingarnefnd hefur ákveðið að ganga til viðræðna við fjármálafyrirtækið Morgan Stanley í Lundúnum um að vera nefndinni til ráðgjafar við sölu á eignarhlut ríkisins í Símanum. Fjórtán sóttu um verkefnið þar á meðal mörg íslensk fyrirtæki. Fréttablaðið hefur heimildir fyrir því að helstu endurskoðunarfyrirtæki landsins auk HSBC, sem sá um einkavæðingu Landsbankans, Deutsche Bank og sænska fjármálafyrirtækið Carnegie í samstarfi við Verðbréfastofuna. Carnegie hefur mikla reynslu af einkavæðingu símafyrirtækja á Norðurlöndum. Að sögn Jörundar Valtýssonar, deildarstjóra í forsætisráðuneyti og starfsmanns Einkvæðingarnefndar, munu viðræður við Morgan Stanley hefjast á næstu dögum. "Þetta er afskalega virt og þekkt fjármálastofnun og við hlökkum til viðræðna við þá," segir hann. Hann segir að góður gangur sé í einkavæðingu Símans en vill ekki segja til um hvenær næstu skref verið tekin. Enn á eftir að ákveða hvort kjölfestuhlutur í Símanum verður seldur sérstaklega en ef svo verður mun Morgan Stanley sjá um söluna.