Lífið

Stjörnuleit Idol heldur áfram

Stjörnuleit Idol heldur áfram af fullum krafti á Stöð 2 á föstudögum. Í kvöld er röðin komin að Akureyringum og nærsveitarmönnum en þeir létu ekki sitt eftir liggja þegar útsendarar Stöðvar 2 heimsóttu höfuðstað Norðurlands í haust. 

Liðlega 70 þátttakendur mættu á Hótel KEA en í þeim hópi voru allmargir sem höfðu lagt á sig ferðalag frá ReykjavíkMYND/IDOL-stjörnuleit

Til upprifjunar skal þess annars getið að áheyrnarpróf voru haldin á fimm stöðum á landinu. Söngstjörnurnar í höfuðborginni hafa þegar troðið upp á Stöð 2, Akureyringar eiga leikinn í kvöld en í næstu viku er förinni heitið til Vestmannaeyja. 

MYND/IDOL-stjörnuleit

Þessum fyrsta hluta keppninnar lýkur svo með sameiginlegum þætti um áheyrnarprófin á Ísafirði og Egilsstöðum. Sigga Beinteins og Þorvaldur Bjarni fengu fínar móttökur á Norðurlandi en Bubbi Morthens var veikur heima og missti af fjörinu. Liðlega 70 þátttakendur mættu á Hótel KEA en í þeim hópi voru allmargir sem höfðu lagt á sig ferðalag frá Reykjavík. 

Bið, endalaus bið. Áheyrnarprufurnar á Akureyri fóru fram 19. september. Þær hófust kl. 14:00 og stóðu langt fram eftir kvöldi.MYND/IDOL-stjörnuleit

Norðanmenn eiga góðar minningar frá keppninni en Anna Katrín Guðbrandsdóttir sló í gegn í fyrra og komst í úrslitaþáttinn. Á Akureyri heyrði dómnefndin í mörgum efnilegum söngvurum. Fróðlegt verður að sjá hvort einhverjum þeirra tekst að feta í fótspor Önnu Katrínar sem stóð sig best allra af fulltrúum kvenþjóðarinnar í fyrstu Stjörnuleitinni. 

Kalli Bjarni með gítarinn.

Sönghefð Norðlendinga er sannarlega fyrir hendi og þeir kunna ýmislegt fyrir sér. Til gamans má geta þess að ein kunnasta dægurlagahljómsveit allra tíma, hljómsveit Ingimars Eydals, var einmitt frá Akureyri en með sveitinni sungu nafntogaðir söngvarar. 

Víst er að marga Norðlendinga dreymir núna um að slá í gegn og komast í fremstu röð. Idol-stjarnan Kalli Bjarni hefur þegar náð þeim árangri en sjóarinn síkáti hefur aldrei verið jafn eftirsóttur. Fyrsta platan hans er líka komin út og ekki mun það draga úr vinsældum kappans. 

MYND/IDOL-stjörnuleit

Fyrir þátttakendur í Stjörnuleitinni er hins vegar fram undan löng en skemmtileg leið á toppinn. Margir snjallir söngvarar eiga eftir að láta ljós sitt skína á Stöð 2 í vetur en aðeins einn mun ná hinu langþráða takmarki. 

MYND/IDOL-stjörnuleit
MYND/IDOL-stjörnuleit
MYND/IDOL-stjörnuleit

Ekki missa af Idol Stjörnuleit föstudaga kl. 20.30 Sjá nánar á vef Idol-stjörnuleitar






Fleiri fréttir

Sjá meira


×