Chyna Thomas, systir Isiah Thomas leikmanns Boston Celtics í NBA-deildinni í körfubolta, lést í bílslysi í Washington í gærmorgun.
Chyna Thomas var 22 ára gömul þegar hún lést. Hún var ein í bílnum.
Bróðir hennar fékk þessar skelfilegu fréttir eftir æfingu Boston-liðsins í gær.
Boston mætir Chicago Bulls í fyrsta leik sínum í úrslitakeppninni í kvöld og samkvæmt heimildum ESPN ætlar Thomas að spila leikinn.
Thomas átti sitt besta tímabil á ferlinum í vetur. Hann var með 28,9 stig og 5,8 stoðsendingar að meðaltali í leik og átti hvað stærstan þátt í því að Boston endaði í efsta sæti Austurdeildarinnar.
Systir aðalstjörnu Boston lést í bílslysi
Ingvi Þór Sæmundsson skrifar

Mest lesið


Arnar Guðjónsson tekur við Stólunum
Körfubolti


Robertson vildi ekki ræða Liverpool
Fótbolti

Rekinn frá Tottenham
Enski boltinn



Hlakkar til að mæta syni Eiðs Smára
Fótbolti

