Christopher Woods hefur gengið í raðir Snæfells eftir að hafa spilað með Val síðustu tvö árin. Frá þessu er greint á heimasíðu félagins.
Woods er 1,95 m á hæð og leikur sem framherji. Hann er þegar kominn með leikheimild og getur því spilað með liðinu þegar það mætir Þór í Þorlákshöfn í kvöld.
„Chris er eðalnáungi sem á eftir að koma með góðan anda inn í liðið,“ sagði Ingi Þór Steinþórsson og bætti við að Woods væri annars konar leikmaður en Willie Nelson, Bandaríkjamaðurinn sem spilaði fyrstu fjóra leiki tímabilsins með Snæfelli.
„Við erum að fara í hörkuleik í Þorlákshöfn á morgun og við þurfum toppleik þar til að sigra. Það er nú það eina sem skiptir máli.“
Woods fyllir skarð Nelson í Hólminum
