Íslenski boltinn

Larsson ekki með Svíum

Sóknarmaðurinn Henrik Larsson er ekki í 24 manna hópi Svía sem mæta Möltu í undankeppni HM 4. júní n.k. eins og við var búist. Larsson hefur verið fjarverandi hjá Barcelona síðustu 6 mánuði vegna alvarlegra hnémeiðsla en kom inn á í 3-3 jafnteflisleik liðsins gegn Villarreal um liðna helgi.

Sport 13.10.2005 19:15

Mutu með Juventus á sunnudag

Rúmenski landsliðsmaðurinn í knattspyrnu, Adrian Mutu er nú búinn að afplána 7 mánaða keppnisbannið sem hann var úrskurðaður í og leikur að öllum líkindum á sunnudaginn með Juventus í lokaumferð ítölsku deildarinnar.

Sport 13.10.2005 19:15

Reynsla á móti hungri í sigur

Í kvöld er einn af hápunktum knattspyrnuvertíðarinnar þegar Liverpool og AC Milan mætast í úrslitaleik Meistaradeildar Evrópu. Milan varð síðast Evrópumeistari fyrir tveimur árum og hefur á að skipa gríðarlega reyndu liði, á meðan enska liðið hefur ekki sigrað í keppninni í 21 ár.

Sport 13.10.2005 19:15

Maradona spáir Milan sigri

Knattspyrnugoðsögnin Maradona spáir því að AC Milan hampi Evrópumeistaratitlinum annað kvöld en þá mætir ítalska liðið Liverpool í úrslitaleik Meistaradeildarinnar. Sá litli argentínski er staddur í Istanbul í Tyrklandi og verður viðstaddur leikinn.

Sport 13.10.2005 19:15

Gunnar með þrennu gegn Landskrona

Gunnar Heiðar Þorvaldsson skoraði þrennu fyrir Halmstad þegar liðið burstaði Landskrona 5-1 í sænsku úrvalsdeildinni í knattspyrnu í gær. Mörk Gunnars komu öll á 18 mínútna kafla í síðari hálfleik. Þetta voru fyrstu mörk Gunnars á tímabilinu. Halmstad er í öðru sæti í deildinni með níu stig eftir fjóra leiki en Helsingsborgs er á toppnum með tíu stig.

Sport 13.10.2005 19:15

Segist ekki hafa boðið í Zlatan

Real Madrid neitar að hafa boðið 30 milljónir punda í Svíann Zlatan Ibrahimovich hjá Juventus. Real hefur ekki unnið titil í tvö ár sem er talið óviðunandi á þeim bænum. Liðið eru orðað við fleiri stjörnur, þar á meðal Rio Ferdinand og Cristiano Ronaldo hjá Manchester United og Steven Gerrard, fyrirliða Liverpool.

Sport 13.10.2005 19:15

Jafntefli hjá HK og Haukum

HK og Haukar skildu jöfn 2-2 í fyrstu deild karla í knattspyrnu í gærkvöldi. Árni Thor Guðmundsson og Eyþór Árnason skoruðu fyrir HK en Hilmar Geir Eiðsson og Svavar Sigurðsson voru á skotskónum fyrir Hauka.

Sport 13.10.2005 19:15

Cassano ekki til Juventus

Luciano Moggi, forseti ítalska stórliðsins Juventus, sagði í dag að liðið hefði ekki áhuga á að fá ítalska landsliðsmanninn hjá Roma, Antonio Cassano, í sumar.

Sport 13.10.2005 19:15

Breiðablik vann aftur

Fjórir leikir voru í fyrstu deild karla í fótbolta í gær. Breiðablik lagði Völsung að velli á Húsavík 1-0 með marki Kristjáns Óla Sigurðssonar. Þá bar Víkingur Ólafsvík sigurorð af KS 1-0, Ejub Purisevic skoraði sigurmarkið. Þór og Víkingur Reykjavik skildu jöfn á Akureyri, 1-1. Jón Guðbrandsson skoraði fyrir Víking en Steinn Símonarson jafnaði metin úr vítaspyrnu undir lok leiksins. Fjölnir vann sigur á KA 2-0 en Pétur Georg Markan og Sigmundur Pétur Ástþórsson skoruðu mörkin.

Sport 13.10.2005 19:15

Barcelona ekki á eftir Ferdinand

Barcelona neitaði í dag þeim orðrómi að varnarmaðurinn sterki, Rio Ferdinand, væri á leið til félagsins og sögðu sögusagnirnar vera úr lausu lofti gripnar.

Sport 13.10.2005 19:15

Valur sigraði Skagann 2-0

Valsmenn eru með fullt hús stiga eftir 2-0 sigur á Skagamönnum í Landsbankadeildinni í knattspyrnu á Hlíðarenda í kvöld.

Sport 13.10.2005 19:15

Hættir O'Neill með Celtic?

Vangaveltur eru um hvort dagar Martins O´Neills, framkvæmdastjóra knattspyrnufélagsins Celtic í Skotlandi, séu taldir en hann hefur verið þar við stjórnvölinn í fimm ár. Eiginkona hans á við veikindi að stríða og herma fregnir að hann ætli að sinna henni. Rætt hefur verið um að Skotinn Gordon Strachan taki við af honum.

Sport 13.10.2005 19:15

Benfica meistari í Portúgal

Benfica varð í gær portúgalskur meistari í knattspyrnu í 31. skipti en í fyrsta skipti í ellefu ár. Benfica gerði 1-1 jafntefli við Boavista og það dugði. Porto varð í öðru sæti, þremur stigum á eftir Benfica. Þjálfari Porto, Jose Couceiro, sagði af sér í morgun en hann var þriðji þjálfari liðsins á tímabilinu.

Sport 13.10.2005 19:15

Segir Spánverja styðja Liverpool

Luis Garcia, leikmaður Liverpool, segir að spænska þjóðin fylki sér á bak við Liverpool gegn AC Milan í úrslitaleik Meistaradeildarinnar á miðvikudag en leikurinn verður í beinni útsendingu á Sýn frá Ataturk-vellinum í Istanbúl. Sex leikmenn Liverpool hafa leikið í spænska boltanum og Rafael Benitez þjálfaði áður Valencia.

Sport 13.10.2005 19:15

Valur yfir í leikhléi

Valsmenn eru yfir, 1-0, gegn Skagamönnum í síðasta leik annarrar umferðar Landsbankadeildarinnar í knattspyrnu. Það var Skagamaðurinn fyrrverandi, Garðar Gunnlaugsson, sem gerði eina mark hálfleiksins eftir frábæra sendingu Guðmundar Benediktssonar á áttundu mínútu.

Sport 13.10.2005 19:15

Parker til Everton

Everton eru við það að ganga frá kaupunum á Scott Parker frá Chelsea, en David Moyes, stjóri Everton, hefur lengi haft augastað á leikmanninum.

Sport 13.10.2005 19:15

ONeill að hætta með Celtic

Martin ONeill, framkvæmdastjóri Celtic, er sagður ætla að tilkynna á næstu dögum afsögn sína. Geraldine, kona Martin, er víst mjög veik og er það ástæða þess að hinn 53-ára gamli Norður Íri ætlar að víkja.

Sport 13.10.2005 19:15

Rush var hetja Shevchenko

Framherji AC Milan, Úkraínumaðurinn Andriy Shevchenko, hefur sagt frá því að ein af hetjum hans síðan hann var polli sé ein af goðsögnum Liverpool, Ian Rush. Þetta segir Shevchenko aðeins tveimur dögum fyrir úrslitlaleik Meistaradeildarinnar á milli AC Milan og Liverpool.

Sport 13.10.2005 19:15

Macken til Palace

Jon Macken, framherji Manchester City, mun að öllum líkindum yfirgefa félagið á næstu dögum og skrifa undir hjá Crystal Palace.

Sport 13.10.2005 19:15

Silva vonast eftir nýjum samningi

Hinn brasilíski miðjumaður hjá Arsenal, Gilberto Silva, er vongóður um að fá nýjan samning hjá nýbökuðum bikarmeisturum Arsenal.

Sport 13.10.2005 19:15

Sætt hjá Rangers

Liði Glasgow Rangers barst hjálp úr óvæntri átt í gær þegar liðið tryggði sér skoska meistaratitilinn á elleftu stundu. Rangers vann 1-0 sigur á Hibernian í Edinborg, en það var lið Motherwell sem tryggði Rangers titilinn.

Sport 13.10.2005 19:14

Hættir Wenger eftir tvö ár?

Arsene Wenger, knattspyrnustjóri Arsenal, gaf sterklega í skyn eftir sigurinn á Manchester United í úrslitaleik ensku bikarkeppninnar í gær í vítaspyrnukeppni að hann ætli að hætta hjá félaginu eftir tvö ár þegar Arsenal flytur yfir á nýjan heimavöll félagsins, Ashburton Grove.

Sport 13.10.2005 19:14

Rangers skoskir meistarar

Glasgow Celtic missti af skoska meistaratitlinum í knattspyrnu á dramatískan hátt í dag og Glasgow Rangers hömpuðu titlinum þar sem tvö mörk á lokamínútunum réðu niðurstöðu skosku úrvalsdeildarinnar. Á sama tíma unnu Rangers 0-1 útisigur á Hibernian og ljúka keppni efst með 93 stig en Celtic 92.

Sport 13.10.2005 19:14

Viljandi gult hjá Beckham?

Real Madrid og Atletico Madrid gerðu markalaust jafntefli í fremur bragðdaufum nágrannaslag í spænsku úrvalsdeildinni. David Beckham krækti sér í gult spjald í leiknum og það viljandi að talið er því hann verður í leikbanni í lokaumferðinni og getur því farið með enska landsliðinu til Bandaríkjanna um næstu helgi.

Sport 13.10.2005 19:14

Vítaspyrnukeppni í Cardiff

Úrslitaleikur Man Utd og Arsenal fer í vítaspyrnukeppni en að lokinni framlengingu er staðan ennþá 0-0. Leikurinn hefur verið einstaklega fjörugur þrátt fyrir markaleysið því Man Utd hefur átt 27 markskot á móti sjö Arsenal manna. Jose Antonio Reyes leikmaður Arsenal fékk rauða spjaldið á lokasekúndu framlengingarinnar þegar hann fékk sitt annað gula spjald.

Sport 13.10.2005 19:14

ARSENAL BIKARMEISTARI

Arsenal tryggði sér enska bikarmeistaratitilinn í knattspyrnu í dag eftir 5-4 sigur á Man Utd í vítaspyrnukeppni. Staðan að loknum venjulegum leiktíma var 0-0. Patrick Vieira skoraði sigurmarkið úr síðustu vítaspyrnunni. Paul Scholes misnotaði einu vítaspyrnu Man Utd sem Jens Lehman markvörður varði en hann fór á kostum í markinu.

Sport 13.10.2005 19:14

Gríðarleg spenna í loftinu

Arsenal og Manchester United mætast í úrslitaleik ensku bikarkeppninnar í dag klukkan tvö en gríðarleg spenna er í loftinu fyrir leikinn. Þetta er fimmti og síðasti úrslitaleikur ensku bikarkeppninnar sem fram fer á Þúsaldarvellinum í Cardiff.

Sport 13.10.2005 19:14

Davies til Everton

Meistaradeildarnýliðar Everton hafa tryggt sér öflugan liðsauka fyrir næsta tímabil en félagið hefur gengið á kaupum á miðjumanninum Simon Davies frá Tottenham. Kaupverðið er talið vera um 4 mlljónir punda sem jafngildir um 480 milljónum íslenskra króna.

Sport 13.10.2005 19:14

Markalaust hjá Man Utd og Arsenal

Staðan í hálfleik er 0-0 hjá Arsenal og Manchester United í úrslitaleik ensku bikarkeppninnar í knattspyrnu en leikið er á Þúsaldarleikvanginum í Cardiff. Man Utd hefur verið sterkari aðilinn í leiknum þar sem Wayne Rooney hefur hreinlega farið á kostum og  leikið vörn Arsenal grátt en hann hefur átt 5 markskot hálfleiknum.

Sport 13.10.2005 19:14

Framlengt hjá Man Utd og Arsenal

Úrslitaleikur Manchester United og Arsenal í ensku bikarkeppninni í knattspyrnu fer í framlengingu en staðan að loknum venjulegum leiktíma er 0-0. Man Utd hefur stjórnað leiknum að mestu frá upphafi og yfirburðir liðsins verulegir. Man Utd hefur verið 56% með boltann og átt 19 skot að marki Arsenal sem hafa átt 5 markskot.

Sport 13.10.2005 19:14