Samgönguslys

Eldur kviknaði í bíl við Mjódd

Ökumaður ók bíl utan í vegrið á Breiðholtsbrautinni með þeim afleiðingum að eldur kviknaði í bílnum nærri Mjódd. Engin slys urðu á fólki og náði slökkvilið fljótt að slökkva eldinn.

Innlent 16.3.2022 21:48

Ók á meira en 100 í íbúðargötu á flótta undan lögreglu og klessti svo á

Þrír bílar skemmdust mikið þegar öku­maður sem lög­regla veitti eftir­för missti stjórn á bíl sínum og klessti á þá seint í gær­kvöldi. Lög­regla segir mildi að enginn hafi orðið fyrir bílnum sem er talinn hafa verið á yfir 100 kíló­metra hraða á klukku­stund.

Innlent 10.3.2022 19:00

Fékk lífið sjálft að gjöf eftir harðan á­rekstur á af­mælis­daginn

Margrét Jónsdóttir Njarðvík, rektor Háskólans á Bifröst segist hafa fengið lífið sjálft að gjöf síðastliðinn sunnudag, afmælisdag hennar, eftir að hafa gengið nær ósködduð frá alvarlegu umferðarslysi í grennd við Hofsós.

Innlent 9.3.2022 09:01

Unnið að því að ná rútu upp á veginn á Holta­vörðu­heiði

Rúta fór út af veginum á Holtavörðuheiði í gærkvöldi. Engin slys urðu á fólki en verið er að vinna að því að ná rútunni aftur upp á veginn.

Innlent 6.3.2022 17:07

Á­rekstur vöru­bíls og fólks­bíls í Hafnar­firði

Slökkvilið höfuðborgarsvæðisins var kallað út eftir að vörubíll og fólksbíll rákust saman í Hringhellu í Hellnahverfi í Hafnarfirði í morgun.

Innlent 3.3.2022 08:16

Vöru­bíll valt í hvass­viðrinu á Reykja­nes­braut

Vörubíll á vegum Skólamats valt á Reykjanesbraut rétt fyrir klukkan átta í morgun. Engum varð meint af. Þetta staðfestir Jón Axelsson, framkvæmdastjóri Skólamats, í samtali við Vísi.

Innlent 2.3.2022 10:28

Rúta fauk útaf Reykjanesbraut

Rúta endaði utan vegar við Reykjanesbraut í morgun. Engan sakaði en mikið rok og skafrenningur var á svæðinu.

Innlent 20.2.2022 10:26

Stöðvuðu umferð eftir að hjól datt undan jeppa

Loka þurfti fyrir umferð um Kjalarnes í um klukkustund í dag eftir að hjól datt undan bíl. Engan sakaði en bíllinn sat fastur á miðjum veginum.

Innlent 19.2.2022 14:46

Stór vöruflutningabíll í vegkantinum á Suðurlandi

Stór vöruflutningabíll liggur á hliðinni úti í vegkantinum á Hringveginum austan Þjórsár. Þetta sýna ljósmyndir sem blaðamaður Vísis náði á svæðinu í dag.

Innlent 17.2.2022 16:46

Líðan drengsins sem ekið var á í Garði sögð stöðug

Líðan drengsins sem ekið var á nærri Gerðaskóla í Garði á Suðurnesjum í morgun er sögð stöðug.

Innlent 15.2.2022 13:37

Ekið á barn nærri Gerða­skóla í Garði

Ekið var á dreng nærri Gerðaskóla í Garði á Suðurnesjum um klukkan átta í morgun.

Innlent 15.2.2022 09:07

Bílar í basli á Reykjanesbraut hvar aðstæður eru erfiðar

Aðstæður á Reykjanesbraut hafa verið slæmar það sem af er degi og hafa nokkrar bifreiðar endað utan vegar vegna slæmrar færðar. Snjóruðningstæki eru á ferðinni að ryðja.

Innlent 14.2.2022 12:52

Velti bílnum í Ár­túns­brekku

Bílvelta varð í Ártúnsbrekku á áttunda tímanum í morgun. Mikill snjór er á götum borgarinnar eftir nóttina og færð eftir því.

Innlent 14.2.2022 08:44

Myndasyrpa: Mánuðir þar til skýrist hvað leiddi til slyssins

Það gætu liðið mánuðir þar til rannsókn leiðir í ljós hvað gerðist þegar flugvél fórst í Þingvallavatni í síðustu viku. Aðgerðum við að endurheimta brak vélarinnar úr vatninu hefur verið frestað um nokkrar vikur hið minnsta.

Innlent 11.2.2022 20:27

Icelandair stefnir við­halds­fyrir­tæki vegna róar af rangri stærð

Icelandair hefur stefnt kanadíska flugvélaviðhaldsfyrirtækinu Kelowna Flighcraft á þeim grundvelli að það hafi klúðrað viðhaldi á lendingarbúnaði Boeing-757 þotu félagsins, með þeim afleiðingum að vélinni hlekktist á í lendingu á Keflavíkurflugvelli fyrir tveimur árum.

Viðskipti innlent 10.2.2022 13:01

Aðgerðum frestað þangað til aðstæður leyfa

Búið er að fresta aðgerðum á Þingvallavatni, þar sem stefnt var að því að ná líkum þeirra sem létust í flugslysinu á vatninu, þangað til aðstæður leyfa. Óvíst er hvenær hægt er að reyna aftur.

Innlent 10.2.2022 10:48

Ís á vatninu hamlar aðgerðum í hörkufrosti á Þingvöllum

Fresta hefur þurft aðgerðum á Þingvallavatni þar sem freista átti þess að ná líkum þeirra sem létust í flugslysunu þar í síðustu viku. Ís á vatninu hamlar aðgerðum.

Innlent 10.2.2022 09:46

Hafði endanlega betur og fær tugmilljóna bætur

Tryggingafélagið Vörður þarf að greiða mótorhjólamanni sem slasaðist alvarlega í umferðarslysi árið 2013 67 milljónir í bætur vegna slyssins. Tekist var á um hvort að mótorhjólamaðurinn hafi sýnt af sér stórkostlegt gáleysi í aðdraganda árekstursins.

Innlent 9.2.2022 15:33

Vöru­bíll fór út af veginum í Þrengslum í gær

Vörubíll á vegum Lýsis fór út af Þrengslavegi í gær. Bíllinn blasir nú við vegfarendum á þessum slóðum og er unnið að því að ná bílnum af slysstaðnum.

Innlent 9.2.2022 12:00

Ís­lands­ferðin var efst á óska­lista eins þeirra sem lést

Íslandsferð Hollendingsins Tim Alings, eins af þeim sem lést í flugslysinu við Þingvallavatn í síðustu viku, var efst á óskalista hans yfir hluti til að gera. Belginn Nicola Bellavia, sem lést einnig, talaði við sambýliskonu sína í síma rétt fyrir flugtak.

Innlent 9.2.2022 11:07

Freista þess að koma öllum nauðsynlegum búnaði að vatninu

Til stendur að ryðja aðstöðuplan við Ölfusvatnsvík og slóða að planinu nú fyrir hádegi, til að koma búnaði á staðinn sem verður notaður til að heimta flugvélina sem fórst á fimmtudag og farþegana sem voru innanborðs upp úr Þingvallavatni. 

Innlent 9.2.2022 06:37

Norðurljósakvöld ein hamingjuríkasta stundin í lífi hins látna

Fjölmiðlar á Vesturlöndum greina nú hver á fætur öðrum frá andláti Josh Neuman sem lést í skelfilegu flugslysi við Þingvallavatn í lok síðustu viku. Neuman var bandarískur hjólabrettakappi sem var yngstur hinna fjögurra sem létust í slysinu en hann var aðeins 22 ára.

Innlent 8.2.2022 16:47

Viðbragðsaðilar segja frétt um leitargögn ranga

„Þetta er alfarið rangt,“ segir Guðbrandur Örn Arnarson, yfirmaður aðgerða hjá Landsbjörg, um frétt sem birtist í Fréttablaðinu í morgun, þar sem meðal annars sagði að gögn er vörðuðu leit að flugvélinni sem hvarf á fimmtudag hefðu ekki borist lögreglu fyrr en á föstudag.

Innlent 8.2.2022 12:01

Gögn sem sýndu stað­setningu vélarinnar hafi gengið manna á milli en ratað seint til lög­reglu

Mikilvæg gögn, sem reyndust sýna nákvæmlega hvar flugvélina sem leitað var að í síðustu viku var að finna, gengu manna á milli en rötuðu ekki til þeirra sem stjórnuðu leitinni fyrr en seinna.

Innlent 8.2.2022 06:27

Segir gríðar­lega mikil­vægt að komast sem fyrst að flug­vélinni

Rannsakandi hjá Rannsóknarnefnd samgönguslysa segir gríðarlega mikið að komast að flugvélinni sem liggur á botni Þingvallavatns sem fyrst. Stefnt er að því að hefja aðgerðir við að ná flugvélinni þegar veður leyfir, líklega seint í þessari viku. 

Innlent 7.2.2022 20:16

Sást til flug­vélarinnar á mynd­bands­upp­tökum

Lögreglan á Suðurlandi hefur til rannsóknar myndbandsupptökur sem sýna flugvélina TF-ABB, sem fórst í Þingvallavatni á fimmtudag, fljúga yfir vatnið. 

Innlent 7.2.2022 17:48

Reyna ekki að ná þeim látnu upp fyrr en í fyrsta lagi á fimmtu­dag

Lík flugmanns og þriggja farþega sem voru um borð í flug­vélinni TF-ABB fundust um það bil 300 metrum frá flugvélaflakinu og á minnst 37 metra dýpi.

Innlent 6.2.2022 22:20

Búið að finna öll fjögur líkin

Búið er að finna lík flugmannsins og farþeganna þriggja sem voru um borð í flug­vélinni TF-ABB. Þetta staðfestir Oddur Árnason, yfirlögregluþjónn hjá lögreglunni á Suðurlandi, í samtali við fréttastofu en umfangsmikil leit hefur farið fram í og við Þingvallavatn í dag.

Innlent 6.2.2022 19:29

Flak flug­­vélarinnar mjög heil­­legt á botni vatnsins

Flak flug­vélarinnar TF-ABB, sem fannst á botni Þing­valla­vatns á föstudag, er mjög heil­legt. Allt bendir til að flug­vélin hafi hafnað á Þing­valla­vatni áður en hún sökk og þeir fjórir sem voru um borð í henni hafi komist út úr henni af sjálf­sdáðum eftir að hún endaði á vatninu.

Innlent 6.2.2022 12:01

Leita í kappi við tímann með kaf­báti og drónum

Leit að þeim fjórum sem voru um borð í flug­vélinni sem fannst í Þing­valla­vatni hófst aftur í morgun. Leitað er á vatninu og við það og nú er sér­að­gerða­sveit Land­helgis­gæslunnar að mæta á svæðið til að leita í því með kaf­báti. Ofsa­veður skellur á við svæðið í nótt.

Innlent 6.2.2022 10:00