Fréttir

Slysið á Vopnafirði alvarlegt

Lögregla og björgunarsveitir á Vopnafirði hafa náð konu upp úr sjónum skammt frá heilsugæslustöðinni í bænum en bíll hennar fór út af bakka þar í morgun. Ekki hafa fengist upplýsingar um líðan hennar en ljóst er að slysið er alvarlegt. Verið er að vinna að því að ná bílnum upp úr sjónum en tildrög slyssins eru ókunn.

Innlent 26.10.2006 13:31

Ókeypis í Þjóðmenningarhúsið um helgina

Ókeypis aðgangur verður að öllum sýningum í Þjóðmenningarhúsinu í tilefni af því að handrit Skarðsbókar postulasagna er nú sýnt þar í fyrsta skipti. Handritið er sýnt til að minnast þess að 18. október voru liðin 40 ár síðan dr. Jóhannes Nordal seðlabankastjóri afhenti íslensku þjóðinni bókina.

Innlent 26.10.2006 13:16

Rússar ætla hugsanlega að slaka á þvingunaraðgerðum gagnvart Georgíu

Aðalritari Norður-Atlantshafsbandalagsins, Jaap de Hoop Scheffer, gaf til kynna eftir fundahald í Moskvu í morgun að Rússar myndu slaka á þvingunum sem settar voru á Georgíu.

Erlent 26.10.2006 12:30

Mikil óánægja í Nígeríu vegna framferðis olíufyrirtækja í umhverfismálum

Þorpsbúar sem réðust á olíuhreinsunarstöðar við ósa ánnar Níger í Nígeríu sættust á að yfirgefa þær eftir að hafa náð samningum um auknar bætur við vestrænu fyrirtækin sem eiga stöðvarnar.

Erlent 26.10.2006 11:50

Hráolíuverð á uppleið

Heimsmarkaðsverð á hráolíu hækkaði lítillega á helstu fjármörkuðum í dag í kjölfar minni olíubirgða í Bandaríkjunum en búist hafði verið við og ákvörðunar samtaka olíuútflutningsríkja, OPEC, að draga úr olíuframleiðslu.

Viðskipti erlent 26.10.2006 11:41

Bíll í sjóinn við Vopnafjörð

Lögregla og björgunarsveitir á Vopnafirði hafa verið kallaðar út vegna bíls sem fór sjóinn skammt frá höfn bæjarins. Kona mun hafa verið í bílnum og er unnið að því að bjarga henni.

Innlent 26.10.2006 11:30

Schröder skýtur á Bush í æviminningum sínum

Gerhard Schröder, fyrrverandi kanslari Þýskalands, gagnrýnir George Bush Bandaríkjaforseta fyrir endalausar vísanir í Guð í aðdraganda Íraksstríðsins í nýútkomnum æviminningum sínum.

Erlent 26.10.2006 11:12

Suður-Kórea tekur þátt í refsiaðgerðum gegn Norður-Kóreu

Suður-Kórea tilkynnti í morgun að ríkisborgurum Norður-Kóreu sem vinna við kjarnorkuáætlun landsins, verði ekki hleypt yfir landamæri ríkjanna.

Erlent 26.10.2006 11:09

Ýjaði að hækkun stýrivaxta

Jean-Claude Trichet, bankastjóri evrópska seðlabankans, gaf í skyn í dag að bankinn gæti hækkað stýrivexti á evrusvæðinu á næstunni verði áframhaldandi hagvöxtur á svæðinu.

Viðskipti erlent 26.10.2006 11:09

Þriggja og hálfs árs fangelsi fyrir nauðgun

Karlmaður á þrítugsaldri var í dag dæmdur í þriggja og hálfs árs fangelsi fyrir að hafa í sumar nauðgað tvítugri stúlku á göngustíg í Breiðholti.

Innlent 26.10.2006 11:06

Léttklæddar konur biðja um að þeim sé nauðgað

Æðsti klerkur múslima, í Ástralíu, hefur vakið mikla reiði með því að segja að léttklæddar konur biðji um að þeim sé nauðgað. Jafnréttisráðgjafi ríkisstjórnarinnar vill að klerkurinn verði rekinn úr landi.

Erlent 26.10.2006 10:54

Alræmdur fjöldamorðingi tekinn af lífi í Flórída

Danny Harold Rolling, einn alræmdasti fjöldamorðingi Flórídaríkis, var tekinn af lífi með banvænni sprautu í fangelsi í Flórída í gærkvöld. Rolling var árið 1994 dæmdur til dauða eftir að hann viðurkenndi að hafa myrt fimm nemendur í háskólabænum Gainsville í Flórída á hrottalegan hátt árið 1990, en hann notaði veiðihníf við morðin.

Erlent 26.10.2006 10:49

Matvælahjálp Sameinuðu þjóðanna sér fram á matvælaskort í suðurhluta Afríku

Matvælahjálp Sameinuðu þjóðanna sagði í morgun að milljónir manna í suðurhluta Afríku eigi eftir að líða matarskort vegna þess að hópur ríkra landa hefur ekki staðið við skuldbindingar sínar.

Erlent 26.10.2006 10:32

Kirkjuþing samþykkir stefnumótun á sviði kærleiksþjónustu

Kirkjuþing samþykkti í morgun stefnumótum á sviði kærleiksþjónustu og hjálparstarfs en með því eru sóknir hvattar til að huga sérstaklega að þeim þætti í þjónustu kirkjunnar er lítur að stuðningi við fólk í erfiðum aðstæðum og leggja sérstaka áherslu á vinaheimsóknir til þeirra sem eru einangraðir.

Innlent 26.10.2006 10:22

Haraldur krónprins hótaði að hefja óvígða sambúð með Sonju

Haraldur konungur Noregs verður sjötugur 21. febrúar næstkomandi og í tilefni af því hefur ævisaga hans verið skráð. Í henni kemur meðal annars fram að það vakti litla hrifningu hjá bæði hirðinni og þjóðinni þegar hann hóf samband sitt við Sonju Haraldsen.

Erlent 26.10.2006 10:22

Herflugvélar NATO bana óbreyttum borgurum í Afganistan

Herflugvélar frá Atlantshafsbandalaginu (NATO) bönuðu að minnsta kosti 50 óbreyttum borgurum í Suður-Afganistan, aðalega konum og börnum, í árás sem var gerð á meðan stærsta hátíð múslima, Eid al-Fitr, stóð yfir.

Erlent 26.10.2006 10:08

Minni hagnaður á fjórðungnum

Hagnaður Straums-Burðaráss Fjárfestingarbanka á þriðja ársfjórðungi minnkaði talsvert á milli ára. Bankinn skilaði 1.549 milljóna króna hagnaði á þriðja ársfjórðungi en 6.473 milljónum króna á sama tíma í fyrra og nemur samdrátturinn 76 prósentum á milli ára. Greiningardeild KB banka spáði því að bankinn myndi skila 5 milljörðum króna á tímabilinu.

Viðskipti innlent 26.10.2006 10:05

Loftlagsbreytingar geti leitt til heimskreppu

Ef ríki heimsins grípa ekki til aðgerða gegn loftlagsbreytingum er hætta á mikilli heimskreppu á öldinni. Þetta er meðal þess sem fram kemur í nýrri skýrslu sem fyrrverandi aðalhagfræðingur Alþjóðabankans hefur unnið fyrir bresk yfirvöld um áhrif loftlagsbreytinga á efnahagkerfi heimsins.

Erlent 26.10.2006 09:52

Afkoma Bakkavarar yfir væntingum

Bakkavör Group hf. skilaði 4,6 milljarða króna eða 34,9 milljóna punda hagnaði á fyrstu níu mánuðum ársins. Þetta er 68 prósenta aukning frá sama tíma í fyrra. Þá nam hagnaður félagsins 2 milljörðum króna eða 15 milljón pundum á fyrstu þremur mánuðum ársins, sem er 70 prósenta aukning á milli ára. Hagnaðurinn á þriðja ársfjórðungi er 3 milljón pundum meira en greiningardeild KB banka hafði spáð.

Viðskipti innlent 26.10.2006 09:45

Hagnaður Shell umfram væntingar

Olíufélagið Shell skilaði 6,9 milljörðum bandaríkjadala í hagnað á þriðja fjórðungi ársins. Þetta svarar til 471 milljarðs íslenskra króna og talsvert meira en greiningaraðilar höfðu reiknað með. Til samanburðar nam hagnaðurinn 7,2 milljörðum dala eða 491,5 milljörðum dala á síðasta ári.

Viðskipti erlent 26.10.2006 09:38

Bretar að taka til í kjarnorkuverum sínum

Bresk nefnd sem var sett á laggirnar í apríl 2005 og sér um úreldingu gamalla kjarnorkuvera, sagði í morgun að það myndi kosta um 65 milljarða punda, sem samsvarar 8.300 milljörðum íslenskra króna, að hreinsa svæðin sem kjarnorkuverin hefðu verið á.

Erlent 26.10.2006 09:32

Hollvinasamtök Óðins stofnuð í dag

Hollvinasamtök varðskipsins Óðins verða stofnuð í dag. Fram kemur í tilkynningu að markmið samtakanna sé að varðveita Óðinn og gera skipið að glæsilegri umgjörð um sögu þoskastríðsáranna og björgunarsögu íslenskra varðskipa, en Óðinn tók þátt í þorskastríðunum þegar landhelgin var færð út í 50 mílur og síðar þegar hún var færð út í 200 mílur.

Innlent 26.10.2006 09:20

Hagnaður Landsbankans eykst um 16 prósent

Hagnaður Landsbanka Íslands nam 26,2 milljörðum króna á fyrstu níu mánuðum ársins. Þetta er 16 prósenta aukning frá síðasta ári. Bankastjórar Landsbanks segja afkomuna góða og hafi aðstæður á sviði erlendrar fjármögnunar batnað eftir ákveðinn óróa í byrjun árs. Þá nam hagnaður bankans á þriðja ársfjórðungi rúmum 5,7 milljörðum króna sem er 2,1 milljarði minna en greiningardeild KB banka reiknaði með.

Viðskipti innlent 26.10.2006 09:20

Tveir handteknir í Kína fyrir að reyna að selja efni til kjarnorkuvopnagerðar

Kínverski utanríkisráðherrann skýrði frá því í morgun að tveir kínverskir Kóreumenn hefðu verið handteknir fyrr í mánuðinum við að reyna að selja auðgað úran, en það er efnið sem notað til þess að búa til kjarnorkusprengjur.

Erlent 26.10.2006 09:10

Lokaumferð forsetakosninga í Brasilíu fer fram um um næstu helgi

Lokaumferð forsetakosninga í Brasilíu fer fram um næstkomandi helgi. Forseti Brasilíu, Lula da Silva, sem er að reyna að ná kjöri í annað sinn og mótframbjóðandi hans, Geraldo Alckmin, gagnrýndu stefnu hvors annars í efnahagsmálum Brasilíu er þeir héldu sína síðustu kjörfundi fyrir kosningar.

Erlent 26.10.2006 07:24

Fjögur fíkniefnamál komu til kasta lögreglunnar í Kópavogi í nótt

Fjögur fíkniefnamál komu til kasta lögreglunnar í Kópavogi í nótt og handtók hún fjóra karlmenn á aldrinum 18 til 26 ára vegna rannsókna.

Innlent 26.10.2006 07:16

Bandaríkin hugsanlega að sjá Indlandi fyrir kjarnorkueldsneyti

Bandaríkjamenn fullvissuðu Indverja um að þeir myndu sjá þeim fyrir kjarnorkueldsneyti og búnaði til þess að vinna það á næstunni.

Erlent 26.10.2006 08:25

Sendiherra Íslands í London á fund ráðherra sjávarútvegsmála í Bretlandi

Sverrir Haukur Gunnlaugsson sendiherra Íslands í London gengur í dag á fund Ben Bradshaw, ráðherra sjávarútvegsmála í Bretlandi, og gerir grein fyrir forsendum íslendinga fyrir hvalveiðum í atvinnuskyni.

Erlent 26.10.2006 08:00

Björgunarsveitir á Austfjörðum voru kallaðar út í gærkvöldi

Björgunarsveitir á Austfjörðum voru kallaðar út í gærkvöldi til að leita að manni, sem fór akandi frá Eskifirði um klukkan fimm áleiðist til Mjóafjarðar, en kom ekki þangað á tilsettum tíma.

Innlent 26.10.2006 07:07

Kviknaði í dæluskúr

Eldur kviknaði í dæluskúr Hitaveitu Akureyrar við Laugaland í Eyjafjarðarsveit rétt um kl. 20 í kvöld. Greiðlega gekk að slökkva eldinn en skúrinn er ónýtur að sögn lögreglu. Lögregla telur líklegt að kviknað hafi í skúrnum út frá rafmagni.

Innlent 25.10.2006 23:21