Alþingi

Fréttir af löggjafarþingi Íslendinga, þingmönnum og fleiri tengdum málum.

Sjálfstæðisflokkur samþykkir framboðslista í Reykjavíkurkjördæmum

Framboðslistar Sjálfstæðisflokksins í Reykjavíkurkjördæmi suður og norður voru samþykktir á fundi í fulltrúaráði sjálfstæðisfélaganna í Reykjavík í dag. Geir H. Haarde, forsætisráðherra, verður í 1. sæti á framboðslista Sjálfstæðisflokksins í Reykjavíkurkjördæmi suður og Guðlaugur Þór Þórðarson, alþingismaður, verður í efsta sæti á lista flokksins í Reykjavík norður í alþingiskosningunum í maí á næsta ári.

Innlent 21. desember 2006 18:32

Gert ráð fyrir 300 milljóna króna afgangi hjá Akureyrarbæ

Akueyrarbær gerir ráð fyrir tæplega 300 milljóna króna rekstrarafgangi á næsta á samkvæmt fjárhagsáætlun bæjarins. Þetta kemur fram í tilkynningu frá bænum. Síðari umræða um fjárhagsáætluna verður á bæjarstjórnarfundi í dag og fram kemur í tilkynningu frá bænum að heildartekjur bæjarins verði tæpir 12,2 milljarðar króna en heildargjöld tæplega 11,9 milljarðar.

Innlent 19. desember 2006 15:49

Vilja hefja frumhönnun á Öskjuhliðargöngum á næsta ári

Borgarfulltrúar Samfylkingarinnar vilja að frumhönnun á Öskjuhliðargöngum og stokkalausn á Miklubraut verði hafin samhliða umhverfismati á Sundagöngum á næsta ári og að fasteignaskattar og holræsagjald verði lækkað.

Innlent 18. desember 2006 14:31

Viðræður við Dani í varnarmálum hefjast í dag

Viðræður íslenskra og danskra yfirvalda um samstarf í varnarmálum hefjast í Kaupmannahöfn í dag en sendinefnd frá Íslandi undir forystu Grétars Más Sigurðssonar, ráðuneytisstjóra í utanríkisráðuneytinu, er nú stödd þar.

Innlent 18. desember 2006 09:36

Fjölga þarf sjúkraliðum og hjúkrunarfræðingum verulega

Fjölga þarf sjúkraliðum og hjúkrunarfræðingum verulega á næstu árum til að mæta vaxandi þörf fyrir heilbrigðisstarfsmenn. Þetta er meðal þess sem fram kemur í rannsókn sem Hagfræðistofnun Háskóla Íslands gerði fyrir heilbrigðis- og tryggingamálaráðuneyti og kynnt var í dag.

Innlent 14. desember 2006 15:22

Sex þúsund fá vaxtabætur vegna endurskoðunar

Rúmlega sex þúsund skattgreiðendur sem ekki fengu vaxtabætur samkvæmt álagningu í ágúst síðastliðnum öðlast rétt til vaxtabóta samkvæmt lögum um breytingar á vaxtabótum sem samþykkt voru á Alþingi nýlega.

Innlent 12. desember 2006 14:28

Rannsóknarnefnd umferðarslysa efld

Rannsóknarnefnd umferðarslysa verður efld á næsta ári með það fyrir augum að geta sinnt betur rannsóknum á alvarlegum slysum en til þessa hefur nefndin svo til eingöngu getað sinnt rannsóknum banaslysa.

Innlent 12. desember 2006 14:07

Undirrita viljayfirýsingu um sjálvirka neyðarhringingu úr bílum

Samgönguráðuneytið, ND á Íslandi ehf. og Neyðarlínan hafa undirritað viljayfirlýsingu um að vinna sameiginlega að því að hérlendis verði unnt að taka upp sjálfvirka hringingu úr bílum í Neyðarlínuna ef slys verður og þróa notkun Saga-hugbúnaðarkerfisins vegna innheimtu veggjalda og eftirlits með hvíldarákvæðum í umferðarlögum.

Innlent 12. desember 2006 11:46

Lækkuðu skatta um 22 milljarða króna

Alþingi lauk störfum fyrir jól um klukkan sjö í gærkvöldi með afgreiðslu laga um virðisaukaskatt á matvæli, sem lækkar ýmist úr 24,5 prósentum eða 14 prósentum í 7 prósent í mars á næsta ári. Þessi lækkun og skattalagabreytingar sem taka gildi um áramótin, svo sem lækkun tekjuskatts um eitt prósentustig, lækka skatta á landsmenn um samanlagt tuttugu og tvo milljarða króna. Alþingi afgreiddi einnig með hraði í gær lög um fjármál stjórnmálaflokkannna.

Innlent 10. desember 2006 09:33

SUS tætir í sig frumvarp um starfsemi stjórnmálaflokka

Framkvæmdsastjórn sambands ungra sjálfstæðismanna telur frumvarpið, sem nú liggur fyrir Alþingi um fjármál stjórnmálaflokka, meingallað og varar við þeim grundvallarsjónarmiðum sem ráðið hafa för við gerð þess. Ungir sjálfstæðismenn telja, að með frumvarpinu séu stjórnmálaflokkarnir að misnota umboð sitt frá almenningi í þeim tilgangi að viðhalda eigin völdum.

Innlent 9. desember 2006 14:35

Starfshópur fer yfir ólögmæta búsetu í atvinnuhúsnæði

Magnús Stefánsson félagsmálaráðherra hefur skipað starfshóp til að gera tillögur um leiðir til að sporna við ólögmætri búsetu í atvinnuhúsnæði. Umræður um málið kviknuðu á Alþingi í kjölfar úttektar umsjónarmanna fréttaþáttarins Íslands í dag á Stöð 2 en hún leiddi í ljós að víða er pottur brotinn í þessum efnum.

Innlent 8. desember 2006 15:45

Frumvarpi um RÚV vísað til þriðju umræðu

Samþykkt var fyrir um tvöleytið á Alþingi að vísa frumvarpinu um Ríkisútvarpið ohf. til þriðju umræðu með 49 atkvæðum. Eins og fram hefur komið í fréttum fer þriðja umræða um frumvarpið fram eftir áramót samkvæmt samkomulagi stjórnarliða og stjórnarandstöðu.

Innlent 8. desember 2006 14:01

Þingmenn á leið í skemmtiferð til útlanda?

Tekist var á um það á Alþingi nú eftir hádegið hvort ákveðinn hópur þingmanna væri á leið í skemmtiferð nú eftir þinglok. Það var Mörður Árnason, þingmaður Samfylkingarinnar, sem kvaddi sér hljóðs um fundarstjórn forseta og vakti athygli á orðum Guðjóns Ólafs Jónssonar, þingmanns Framsóknarflokksins, í fréttum Ríkisútvarpisins í hádeginu.

Innlent 8. desember 2006 13:53

Segir borgarstjóra tvísaga í lóðakaupamáli

Oddviti Samfylkingarinnar í borgarstjórn Reykjavíkur segir borgarstjóra tvísaga um þátt sinn í kaupum borgarinnar á fjórum hekturum í Norðlingaholti sem voru í eigu Kjartans Gunnarssonar, fyrrverandi framkvæmdastjóra Sjálfstæðisflokksins.

Innlent 8. desember 2006 13:00

Ekið frá Selfossi til Alþingis með undirskriftir í dag

Sunnlendingar og fleiri hyggjast fjölmenna í bílalest þar sem ekið verður frá Tryggvaskála á Selfossi og niður að Alþingishúsi í miðbæ Reykjavíkur. Þar ætla þeir að afhenda Alþingi undirskriftir 25 þúsund Íslendinga sem skora á þingið að lögfesta tvöföldun Suðurlandsvegar án tafar.

Innlent 8. desember 2006 12:12

Miklar annir á lokaspretti þingsins fyrir jól

Miklar annir verða á Alþingi Íslendinga í dag enda hafa stjórnarliðar og stjórnarandstæðingar orðið ásáttir um að hefja jólafrí þingsins á morgun. 35 mál eru á dagskrá þingfundar í dag sem hófst klukkan tíu.

Innlent 8. desember 2006 10:49

Ríkisstjórnin samþykkir frumvarp til að bæta stöðu erlendra starfsmanna

Ríkisstjórnin samþykkti á fundi sínum í dag frumvarp Magnúsar Stefánssonar félagsmálaráðherra um réttindi og skyldur erlendra fyrirtækja sem senda starfsmenn tímabundið til Íslands og starfskjör starfsmanna þeirra.

Innlent 8. desember 2006 10:25

Stofna sameiginlega byggingar- og skipulagsnefnd um varnarsvæði

Þrjú sveitarfélög á Suðurnesjum, Garður, Sandgerði og Reykjanes hafa ákveðið að stofna sameiginlega byggingar- og skipulagsnefnd á fyrrum varnarsvæði á Miðnesheiði.

Innlent 8. desember 2006 10:14

Enginn hefur fengið hæli á Íslandi frá árinu 2001

Engum sem sótt hefur um pólitískt hæli hér á landi hefur verið veitt það frá árinu 2001 samkvæmt svari dómsmálaráðherra við fyrirspurn Álfheiðar Ingadóttur, þingmanns Vinstri - grænna, á Alþingi.

Innlent 7. desember 2006 14:26

Vilja vísa RÚV-frumvarpi frá

Minnihluti menntamálanefndar leggur til að frumvarpi um Ríkisútvarpið ohf. verði vísað frá en önnur umræða um frumvarpið stendur nú yfir.

Innlent 7. desember 2006 14:06

Sáttaumleitanir meðal frjálslyndra

Sáttaumleitan er í gangi innan forystu Frjálslynda flokksins en talsvert orðaskak hefur orðið í kjölfar uppsagnar Margrétar Sverrisdóttur úr stóli framkvæmdastjóra.

Innlent 7. desember 2006 12:15

Sakar stjórnarliða um lágkúru og lýðskrum í vegamálum

Heitar umræður urðu við upphaf þingfundar á Alþingi í morgun um vegamál. Ráðherrar og þingmenn komu upp í röðum og lýstu nauðsyn þess að tvöfalda Suðurlandsveg. Formaður Vinstri - grænna minnti stjórnarliða hins vegar á að þeir hefðu á sama tíma staðið fyrir sex milljarða króna niðurskurði á vegaframlögum.

Innlent 7. desember 2006 12:04

Afgreiðslu RÚV-frumvarps frestað fram yfir jól

Frumvarp um Ríkisútvarpið ohf. verður ekki afgreitt fyrir jól en þinglok verða á laugardag. Þetta var að samkomulagi milli stjórnar og stjórnarandstöðu á Alþingi.

Innlent 7. desember 2006 10:34

Dómssátt í máli fyrrv. ráðuneytisstjóra og ríkisins

Dómssátt varð í dag í máli Björns Friðfinnssonar, fyrrverandi ráðuneytisstjóra í viðskipta- og iðnaðarráðuneytinu, og íslenska ríkisins sem felur í sér að Björn heldur launum til sjötugs auk þess sem hann fær tvær milljónir í miskabætur. Björn höfðaði mál á hendur ríkinu eftir að honum var meinað að snúa aftur til starfa.

Innlent 7. desember 2006 10:24

Frumvarpi breytt til að draga úr skerðingu bóta

Árni Mathiesen, fjármálaráðherra, og Siv Friðleifsdóttir, heilbrigðis- og tryggingamálaráðherra kynntu í dag aðgerðir ríkisstjórnarinnar til að draga úr áhrifum tekna lífeyrisþega á bætur. Gert er ráð fyrir að frumvarp um almannatryggingar og málefni aldraðra verði breytt í þremur atriðum vegna þessa.

Innlent 6. desember 2006 16:51

140 milljónir þarf til að framfylgja aðgerðaáætlun gegn ofbeldi

140 milljónir þarf til að framfylgja aðgerðaáætlun stjórnvalda vegna ofbeldis á heimilum og kynferðisofbeldis á árunum 2007-2011. Þetta kom fram á kynningarfundi Magnúsar Stefánssonar félagsmálaráðherra á áætluninni í Þjóðmenningarhúsinu í dag.

Innlent 6. desember 2006 15:43

Á þriðja hundrað barna bíður eftir greiningu

71 barn á leikskólaaldri og 124 börn á grunnskólaaldri bíða eftir greiningu hjá Greiningar- og ráðgjafastöð ríkisins samkvæmt svari sem Magnús Stefánsson gaf á Alþingi í dag við fyrirspurn Ástu Ragnheiðar Jóhannesdóttur, þingmanns Samfylkingarinnar.

Innlent 6. desember 2006 14:30

Valgerður heimsækir Japana

Valgerður Sverrisdóttir utanríkisráðherra hóf í dag opinbera heimsókn sína til Japans en hún er farin tilefni 50 ára afmælis stjórnmálasambands ríkjanna.

Innlent 6. desember 2006 13:09

Fjárlög ríkisins fyrir árið 2007 samþykkt á Alþingi

Fjárlög ríkisins fyrir næsta ár voru samþykkt frá Alþingi fyrir hálfri klukkustund með 34 atkvæðum stjórnarmeirihlutans en 26 þingmenn stjórnarandstöðu sátu hjá. Fjármálaráðherra sagði fjárlögin markast af hagvaxtarskeiði en stjórnarandstaðan kallaði þau kosningafjárlög.

Innlent 6. desember 2006 12:02

Laun hækka um 2,9 prósent um áramót

Allir almennir kjarasamningar ríkisins við félög opinberra starfsmanna, félög innan ASÍ og fleiri hækka um 2,9 prósent um áramótin í stað 2,25 prósenta samkvæmt kjarasamningum. Er þetta í samræmi við samkomulag forsendunefndar Samtaka atvinnulífsins og Alþýðusambands Íslands sem gert var í fyrra á grundvelli verðlagsþróunar.

Innlent 5. desember 2006 16:16

Mest lesið