Bæjarbúar skelkaðir eftir árásir á ungar stúlkur
Móðir stúlku sem ráðist var á í Garðabæ segir íbúa mjög skelkaða en þetta er í þriðja sinn á stuttum tíma sem ráðist er á unga stúlku í bænum. Allar lýsa þær árásarmanninum á svipaðan hátt og útilokar lögregla ekki að um sama árásarmann sé að ræða í málunum þremur. Lögreglan lítur málin alvarlegum augum en enn hefur enginn verið handtekinn.
