Fékk giftingarhringinn aftur eftir sex ár í rotþró
Giftingahringur sem legið hafði í rotþró í sex ár skilaði sér til eiganda síns í gær. Allar konur sem heita sama nafni og eiginkona hans fengu skilaboð á Facebook um hvort þær könnuðust við hringinn. Nú eru hjónin í skýjunum með að hafa endurheimt gripinn sem er skínandi fínn þrátt fyrir að hafa legið í ræsinu í öll þessi ár.