Æsispenna undir lokin í fyrstu viðureigninni
Það var sannkallaður stórveldaslagur í fyrstu viðureign vetrar í Kviss. Þar áttust við FH og KR, en síðarnefnda félagið stóð uppi sem sigurvegari í síðustu þáttaröð. Fyrir hönd FH kepptu leikarinn Björn Stefánsson og tónlistarkonan Svala Björgvinsdóttir en í liði KR voru tónlistarmaðurinn Aron Kristinn Jónasson úr hljómsveitinni ClubDub og fjölmiðlakonan Nadine Guðrún Yaghi.
