Niemi laus af sjúkrahúsi

Finnski markvörðurinn Antti Niemi hjá Fulham er nú laus af sjúkrahúsi eftir að hann datt illa í leik gegn Watford, en óttast var að hann hefði hlotið mænuskaða eftir að hann lenti á höfðinu og var borinn af velli.

Áfall fyrir Charlton

Enska úrvalsdeildarfélagið Charlton á ekki sjö dagana sæla í vetur og í dag fékk liðið þau skelfilegu tíðindi að framherjinn Darren Bent verði frá keppni í um það bil mánuð eftir að hann meiddist á hné í leik gegn Aston Villa. Bent hefur skorað meira en helming marka Charlton í úrvalsdeildinni í vetur eða níu mörk.

Bowyer frá keppni í sex vikur

Miðjumaðurinn Lee Bowyer verður líklega frá keppni í um sex vikur með enska liðinu West Ham eftir að hann fór úr axlarlið í háðuglegu tapi liðsins gegn Reading í gær. Bowyer hefur spilað 17 leiki fyrir West Ham síðan hann gekk í raðir liðsins frá Newcastle.

Tottenham gengur frá samningi við Taarabt

Enska úrvalsdeildarfélagið Tottenham hefur gengið frá lánssamningi við miðjumanninn unga Adel Taarabt frá franska félaginu Lens. Taarabt er aðeins 17 ára gamall og er sagður geta spilað allar stöður á miðju og í sókn. Leikmaðurinn hafði verið í sigtinu hjá Arsenal og Chelsea og spilaði sinn fyrsta alvöruleik fyrir Lens í haust.

Garnett fagnaði gamla boltanum með stórleik

Tveir leikir fóru fram í deildarkeppninni í NBA í nótt þar sem gamli leðurboltinn var tekinn formlega í notkun á ný. Kevin Garnett hjá Minnesota Timberwolves var einn þeirra sem gagnrýndu boltann sem notaður var í fyrsta sinn í haust og hann hélt upp á endurkomu gamla boltans með góðum leik.

Íslenskir hestar á stórsýningu Apassionata

Apassionata er ein af stærstu hestasýningum í heimi og ein stórkostlegasta upplifun sem nokkur hestamaður getur upplifað. Á sýningarprógrammi fyrir Evrópu eru íslenskir hestar og er það Styrmir Árnason sem sér um program íslensku hestanna á sýningunni. Sýningaratriði íslenska hópsins er stórfenglegt og hefst það með víkingaskipi sem rennur inn í höllina, svo blása hverir og á sviðinu er glóandi hraun.

15 félög á eftir Beckham?

Enska slúðurblaðið News of the World heldur því fram að 15 félög hafi sett sig í samband við umboðsmann David Beckham, með það fyrir augum að fá fyrrum enska landsliðsfyrirliðann til sín nú í janúar. Samningur Beckham við Real Madrid rennur út í sumar og honum er nú frjálst að ræða við önnur lið.

Deco vill fara til Englands

Portúgalski miðjumaðurinn Deco hjá Barcelona hefur lýst því yfir að hann vilji spili í ensku úrvalsdeildinni í framtíðinni. Deco er samningsbundinn Evrópumeisturunum til ársins 2010 en útilokar ekki að fara til Englands fyrir þann tíma.

Ellilífeyrisþegi hljóp 110 metra á 12,12 sekúndum

Tony Bowman vann glæstan sigur í hinu árlega nýrársspretthlaupi ellilífeyrisþega sem fram fór í Musselburgh í Englandi í gær. Hinn 71 árs gamli fyrrverandi ruðningsleikmaður kom í mark á 12,12 sekúndum, sem verður að teljast ótrúlegur tími miðað við aldur.

Man. Utd. tapaði stigum

Topplið ensku úrvalsdeildarinnar, Manchester United, tapaði stigum nú undir kvöld þegar liðið gerði jafntefli við Newcastle á útivelli, 2-2. Forysta Man. Utd. í deildinni er engu að síður sjö stig, en Chelsea á leik til góða og getur minnkað hana niður í fjögur stig með sigri.

Þrír tilnefndir sem knattspyrnumenn Afríku

Afríska knattspyrnustambandið hefur tilkynnt hvaða þrír leikmenn koma til greina sem knattspyrnumaður ársins í Afríku. Ekki er hægt að segja að tilnefningarnar komi mikið á óvart en leikmennirnir sem um ræðir eru Didier Drogba, Michael Essien og Samuel Eto'o.

Upson vill ekki vera hjá Birmingham

Umboðsmaður varnarmannsins Matthew Upson hefur lýst því yfir að leikmaðurinn sjái framtíð sína ekki í herbúðum Birmingham, en hann er með samning við liðið sem rennur út eftir 18 mánuði. Ummæli umboðsmannsins verða líklega til þess að Birmingham haldi uppboð á Upson á næstu dögum, þar sem hæstbjóðandi hreppi hnossið.

Essien varar Man. Utd. við

Michael Essien hjá Chelsea telur að lið sitt sé langt frá því búið að segja sitt síðasta í baráttunni við Manchester United um Englandsmeistaratitilinn. Essien segir að það sé aðeins tímaspursmál hvenær Chelsea fari að spila eðlilega á ný og hvenær Man. Utd. detti úr því formi sem það hefur verið í að undanförnu.

West Ham tapaði 6-0

Eigendurnir Eggert Magnússon og Björgólfur Guðmundsson og knattspyrnustjórinn Alan Curbishley voru þungir á brún þegar sjónvarpsmyndavélar beindu sjónum sínum að þeim eftir viðureign West Ham og Reading. West Ham fékk háðuglega útreið og tapaði 6-0.

Línur að skýrast í NBA

Þrjú efstu lið NBA-deildarinnar; Dallas, San Antonio og Pheonix, unnu öll góða sigra í leikjum sínum í nótt. Þegar tímabilið er nú tæplega hálfnað eru línur teknar að skýrast og er ljóst að Vesturdeildin er mun sterkari en Austurdeildin.

West Ham niðurlægt

Íslendingaliðið West Ham er 4-0 undir gegn Reading þegar flautað hefur verið til hálfleiks í viðureign liðanna í ensku úrvalsdeildinni í dag. Sjálfstraustið hjá leikmönnum liðsins er í molum og eru sprækir leikmenn Reading bókstaflega að valta yfir kollega sína. Brynjar Björn Gunnarsson skoraði fyrsta mark Reading.

Ívar er fyrirliði Reading

Ívar Ingimarsson er fyrirliði Reading í viðureign liðsins gegn West Ham í dag. Graham Murty, sem venjulega er fyrirliði liðsins, er meiddur og leysir Ívar hann af í dag. Brynjar Gunnarsson er einnig í byrjunarliði Reading. Þá er Heiðar Helguson í framlínu Fulham, sem tekur á móti Watford.

Bolton átti ekki möguleika í Liverpool

Liverpool er komið upp í þriðja sæti ensku úrvalsdeildinni . eftir sannfærandi 3-0 sigur á Bolton á Anfield í dag. Lverpool er með 40 stig en Bolton er í fjórða sæti með 39 stig.

Ótrúlegur leikkafli hjá Liverpool

Liverpool er komið með 2-0 forystu gegn Bolton eftir að hafa skorað tvö stórkostleg mörk með tæplega mínútu millibili. Fyrst skoraði Peter Crouch með klippu og síðan bætti Steven Gerrard með viðstöðulausu skoti upp í samskeytin.

Tiger verður pabbi á árinu

Tiger Woods hafði tvöfalda ástæðu til að gleðjast í fyrradag því auk þess að halda upp á 31 árs afmæli sitt tilkynnti hann á heimasíðu sinni að hann ætti von á barni með eiginkonu sinni Elin. Tiger segir árið rétt er liðið hafa verið það erfiðasta á sinni ævi.

Giggs vill verða stjóri í framtíðinni

Ryan Giggs, leikmaður Manchester United, hefur lýst því yfir að hann hyggist gerast þjálfari eftir að ferli hans sem leikmaður lýkur. Hinn 33 ára gamli Walesbúi telur að áralöng reynsla hans sem leikmaður í einu besta lið heims muni gera hann að hæfum knattspyrnustjóra.

Zidane vinsælastur í Frakklandi

Fyrrum fyrirliði franska landsliðsins, Zinedine Zidane, er ennþá sá einstaklingur sem er mest dýrkaður af frönsku þjóðinni þrátt fyrir uppákomuna í úrslitaleik HM í sumar þar sem Zidane lét reka sig af velli fyrir að skalla Ítalann Marco Materazzi. Þetta eru niðurstöður víðtækrar könnunar sem gerð var í Frakklandi af tilefni áramótanna.

Markmið AC Milan er Meistaradeildin

Brasilíski markvörðurinn hjá AC Milan, Dida, segir að markmið leikmanna hjá liðinu sé að tryggja sér sæti í Meistaradeild Evrópu á næstu leiktíð. AC Milan hefur gengið afleitlega það sem af er leiktíð og situr sem stendur í 12. sæti deildarinnar.

Jordan skilinn við eiginkonu sína

Michael Jordan, besti körfuboltamaður sem uppi hefur verið, er skilin við eiginkonu sína til 17 ára, Juanitu. Í sameiginlegri tilkynningu frá lögmönnum þeirra segir að skilnaðurinn fari fram í mestu vinsemd.

Van Persie getur orðið sá besti

Þjálfarar í fótboltanum keppast þessa dagana við að segja hvaða leikmaður þeir telji hafa burði til að verða besti leikmaður heims í framtíðinni. Í vikunni voru það Alex Ferguson og Carlos Queroz hjá Man. Utd sem dásömuðu Cristiano Ronaldo, en nú hefur Marco van Basten, landsliðsþjálfari Hollands, sagt það sama um Robin van Persie, leikmann Arsenal.

Rossi fer ekki aftur til Newcastle

Knattspyrnustjóri Manchester United, Sir Alex Ferguson, hefur ákveðið að halda hinum unga Giuseppe Rossi á Old Trafford eftir áramót. Ferguson er ekki ánægður með með fá tækifæri Rossi hefur fengið á láni sínu hjá Newcastle og telur sig hafa not fyrir hinn 19 ára gamla ítalska framherja.

Kemur mér ekki á óvart

Jose Mourinho þykir ekki skrítið að lið sem Chelsea mætir um þessar mundir leggi áherslu á sóknarleikinn. Mourinho viðurkennir að vörn Chelsea sé eins og gatasigti án John Terry og Petr Cech.

Benitez ánægður með sína menn

Hinn spænski Rafael Benitez, knattspyrnustjóri Liverpool, var mjög ánægður með lærisveina sína í leiknum gegn Tottenham í gær. Liverpool vann mikilvægan sigur og náði þannig að snúa strax við taflinu eftir tap gegn Blackburn á öðrum í jólum.

Ferguson hrósar Reading

Alex Ferguson, stjóri Manchester United, hrósaði Reading í hástert eftir viðureign liðanna á Old Trafford í gær. Ferguson sagði leikmenn liðsins hafa verið einstaklega baráttuglaða og að þeir hefðu gert heimamönnum afar erfitt fyrir.

Tímabilið búið hjá Joe Cole

Nánast engar líkur eru á að enski landsliðsmaðurinn Joe Cole komi við sögu hjá Chelsea það sem eftir lifir tímabilsins. Þetta staðfesti Jose Mourinho, stjóri liðsins, eftir jafnteflið gegn Fulham í gær.

Mike Tyson er dópisti

Hnefaleikakappinn Mike Tyson hefur viðurkennd að hann eigi við fíkniefnavanda að stríða eftir að lögreglu menn í Pheonix fundu kókaín í bifreið hans fyrir helgi. Tyson var handtekinn en þó ekki fyrir ölvunarakstur, eins og fyrst var greint frá.

Sheffield Utd. vann með útileikmann í markinu

Þrátt fyrir að útileikmaðurinn Phil Jagielka hafi verið í markinu síðasta hálftímann hjá Sheffield United í viðureign liðsins gegn Arsenal í dag náðu nýliðirnar að innbyrða öll þrjú stigin með 1-0 sigri. Leikmenn Arsenal fundu enga leið framhjá Jagielka í markinu.

Þjálfari Valencia vill ekki missa Ayala

Quique Sanhcez Flores, stjóri Valencia, hefur beðið stjórnarmenn félagsins að endurnýja samninginn við varnarmanninn Roberto Ayala. Flores segir Argentínumanninn vera lykilleikmenn í sínu liðið, þrátt fyrir að hann hafi ekki átt sæti í byrjunarliðinu að undanförnu.

Belletti ekki á leið til Milan

Forráðamenn Barcelona hafa gefið út tilkynningu þar sem þeim sögusögnum sem segja bakvörðinn Juliano Belletti á leið til AC Milan í Janúasr er vísað til föðurhúsanna. Bróðir og umboðsmaður leikmannsins hafa sömu sögu að segja, svo að ljóst er að AC Milan þurfa að leita sér að liðsstyrk annarsstaðar.

Volz tryggði Fulham 15.000 pund

Moritz Volz leikmaður Fulham, tryggði félaginu sínu 15 þúsund pund í dag með því að skora 15 þúsundasta mark ensku úrvalsdeildarinnar frá upphafi gegn Chelsea. Fyrir umferðina í Englandi dag höfðu 14,993 mörk verið skoruð frá upphafi og hafði Barclays, aðalstyrktaraðili deildarinnar, lofað upphæðinni til þess félags sem næði áfanganum í dag.

Pardew ánægður með sigurinn

Alan Pardew, knattspyrnustjóri Charlton, segir að frammistaða sinna manna gegn Aston Villa í dag sýni og sanni að liðið eigi heima í ensku úrvalsdeildinni. Charlton sigraði 2-1 í leiknum, þar sem Hermann Hreiðarsson lagði upp sigurmarkið á 91. mínútu.

Guðjón Valur með sjö mörk

Handknattleiksmaðurinn Guðjón Valur Sigurðsson, nýkjörinn íþróttamaður ársins, skoraði sjö mörk - ekkert þeirra úr vítaköstum - fyrir lið sitt Gummersbach í útisigri á Hildesheim í þýsku úrvalsdeildinni í handbolta í dag. Aðrir Íslendingar í Gummersbach komust ekki á blað í leiknum.

Snæfell vann Keflavík

Snæfell og Njarðvík komust í dag upp að hlið KR á topp Iceland Express-deildar karla í körfubolta með því að sigra í sínum leikjum í dag. Snæfell hafði betur í stórslagnum gegn Keflavík, 80-67, en Njarðvík marði sigur gegn Þór Þ. á heimavelli sínum, 105-100.

Mascherano og Sissoko að skipta um lið?

Orðrómurinn um hugsanlega brottför Javier Mascherano til Liverpool í janúar heldur áfram og nú hefur miðjumanninum Mohamed Sissoko verið blandað í umræðuna. Sagan segir að Juventus sé reiðubúið að gefa eftir Mascherano til Liverpool, með því skilyrði að ítalska félagið fái forkaupsrétt á Sissoko í sumar.

Leik Watford og Wigan hætt vegna rigningar

Leik Watford og Wigan í ensku úrvalsdeildinni í dag var flautaður af þegar 10 mínútur voru liðnar af síðari hálfleik vegna úrhellisrigningar sem varð þess valdandi að ekki var hægt að spila fótbolta á vellinum í Watford.

Alexander Petterson með átta mörk

Íslenski landsliðsmaðurinn Alexander Petterson átti stórleik fyrir lið sitt Grosswallstadt gegn meisturum Kiel í þýska handboltanum í dag. Petterson skoraði átta mörk í leiknum sem voru þó til lítils þar sem Kiel hafði betur, 30-25.

Ófarir West Ham halda áfram

Íslendingaliðið West Ham er áfram í fallsæti í ensku úrvalsdeildinni eftir tap á heimavelli gegn Manchester City í dag. Það var Damarcus Beasley sem skoraði eina mark leiksins, sjö mínútum fyrir leikslok.

Man. Utd. eykur forskotið í Englandi

Manchester United vann 3-2 sigur á Reading í ensku úrvalsdeildinni í dag á meðan Chelsea tapaði stigum á heimavelli gegn Fulham. Forysta Man. Utd. á toppnum hefur því aukist enn frekar og er nú sex stig.

Sér ekki eftir að hafa farið frá Barca

Luis Garcia hjá Liverpool segist alls ekki sjá eftir því að hafa yfirgefið herbúðir Barcelona á sínum tíma til að ganga til liðs við þá rauðklæddu. Það eina sem angri hann í Bítlaborginni sé veðrið. Liverpool og Barcelona, Evrópumeistarar síðustu tveggja ára, mætast í 16-liða úrslitum Meistaradeildarinnar í febrúar.

Ferguson: Meiðsli Terry eru ofmetin

Sir Alex Ferguson, stjóri Manchester United, telur að áhrifin sem fjarvera John Terry hafi á Chelsea séu stórlega ofmetin. Ferguson bender á að án Terry hafi Chelsea tapað tveimur stigum í fjórum leikjum og að liðið sé raunverulega í betri stöðu en það var áður en fyrirliðinn meiddist.