„Á meðan er hann að sofa hjá Ólympíufara í sundi“

Fyrir keppnina kvartaði Andri talsvert yfir dýpt laugarinnar en keppt var í Sundhöll Reykjavíkur. Þá var hann ekki með sín vanalegu sundgleraugu, með sjónstyrk, heldur bara venjuleg sundgleraugu.

Andstæðingurinn, Tómas, gat því verið ansi kokhraustur og býr þar að auki að því að maki hans er sjálf Hrafnhildur Lúthersdóttir, tvöfaldur silfurverðlaunahafi á EM sem náði 6. sæti í 100 metra bringusundi á Ólympíuleikunum í Ríó fyrir tíu árum.

„Ég er mjög tengdur sundheiminum núna. Konan mín hefur farið tvisvar á Ólympíuleikana og vinnur fyrir Sundsamband Íslands. En bakgrunnurinn er ekkert meiri en hjá öðrum sem fóru í grunnskóla,“ sagði Tómas og kvaðst hafa sleppt því að leita sérstaklega ráða hjá Hrafnhildi.

Andri fór ekki leynt með það að sinn grunnur mætti vera betri:

„Ég hef aldrei lokið sundprófi og á meðan er hann að sofa hjá Ólympíufara í sundi,“ sagði Andri en þá var keppnin hins vegar ekki hafin. Hana má sjá í spilaranum hér að neðan.