Jóns­bók ræður lög­menn frá þremur mis­munandi löndum

Til liðs við Jónsbók ganga þau Natalija Babić, Nicklas Svento, Michał Bugajło, Przemysław Kucharski, Bogumił Sieczkowski, Radosław Kozubek, Dagmara Sobańska og Piotr Wydrowski.

Þetta kemur fram í tilkynningu frá félaginu, en þar er nýju starfsmönnunum lýst með eftirfarandi hætti:

„Natalija Babić hefur starfað sem forstöðumaður Jónsbókar í Króatíu síðan í maí 2026. Natalija býr yfir yfir átta ára reynslu úr lögmennsku, einkum á sviði hugverka- og tækniréttar. Áður starfaði hún hjá Evrópudómstólnum og hjá einni virtustu lögmannsstofu Króatíu, Šavorić & Partneri.

Nicklas Svento tekur til starfa sem forstöðumaður Jónsbókar í Finnlandi. Áður starfaði hann sem verkefnastjóri hjá stærstu lögmannsstofum Finnlands Krogerus og hjá Castrén & Snellman, ásamt því að hafa sjálfur verið frumkvöðull.

Michał Bugajło og Przemysław Kucharski hafa verið ráðnir sem forstöðumenn Jónsbókar í Póllandi.

Przemysław býr yfir 15 ára reynslu úr lögmennsku. Áður starfaði hann meðal annars sem eigandi á Baker McKenzie og CMS í Póllandi. Michał er með víðtæka reynslu af opinbera markaðinum í Póllandi, ásamt því að hafa gegnt stjórnunarstöðum hjá Comarch og KPMG í Póllandi.

Til viðbótar við þá Michal og Przemyslaw hefur Jónsbók ráðið svæðisbundna forstöðumenn í Póllandi.

Dagmara Sobańska er lögmaður og tekur við sem forstöðumaður Jónsbókar í Poznań. Áður hefur hún hefur starfað bæði á lögmannsstofum og hjá alþjóðlegum fjártæknifyrirtækjum, meðal annars Klarna, Sofort, payabl. og Web Inclusion.

Bogumił Sieczkowski tekur við sem forstöðumaður Jónsbókar í Łódź. Hann er lögmaður með um 17 ára reynslu af lögmannstörfum. Bogumił hefur rekið eigin lögmannsstofu frá árinu 2009.

Radosław Kozubek tekur við sem forstöðumaður Jónsbókar í Kraká. Hann hefur yfir tíu ára reynslu af fasteigna- og þjónusturekstri í Póllandi og Bretlandi. Áður starfaði hann hjá Strabag, JLL og CBRE.

Piotr Wydrowski tekur við sem forstöðumaður Jónsbókar í Gdańsk. Hann er pólskur lögmaður með yfir sex ára reynslu af banka- og félagarétti og hefur starfað hjá PKO Bank Polski frá árinu 2021.“