Bað Trump um hjálp og nær að mæta á úr­slita­leikinn

Capdevila birti færslu á samfélagsmiðilinn X í fyrradag þar sem hann skrifaði „ÉG ÞARF HJÁLP“ og beindi skilaboðum sínum til Trump.

Hann hafði áður greint frá því að hann gæti átt erfitt með að komast inn í Bandaríkin, eftir að hafa tekið þátt í „La Liga Legends“ vináttuleik sem fór fram í Íran árið 2016.

Þá sagðist Capdevila hafa reynt að fá spænska knattspyrnusambandið til að hjálpa sér, í gegnum FIFA, án árangurs.

Vendingar urðu svo í málinu í morgun þegar Marcos Senna, Evrópumeistari með Spáni árið 2008 og fyrrum liðsfélagi Capdevila, birti mynd af honum á Instagram. Þar voru þeir félagar staddir í flugvél og undirskriftin gaf til kynna að þeir væru lentir í Bandaríkjunum.

New York Post greinir frá því að Capdevila sé lentur í New York og verði viðstaddur úrslitaleikinn í New Jersey í kvöld.