Klopp reiður: „Ef þetta er brot þá hefði Arsenal ekki orðið Englandsmeistari“

Paragvæ vann leikinn á endanum í vítakeppni eftir að leikurinn sjálfur endaði með 1-1 jafntefli. Þjóðverjar héldu þó að þeir hefðu skorað sigurmarkið í framlengingunni.

Jonathan Tah skallaði boltann í mark Paragvæ í fyrri hluta framlengingarinnar og Þjóðverjar fögnuðu gríðarlega. Allt í einu var dómarinn kallaður á skjáinn til að skoða mögulegt brot í aðdragandanum.

Dómarinn komst því að því að brotið hefði verið á Orlando Gill, markverði Paragvæ, þegar fyrirgjöfin kom fyrir markið. Gill féll í grasið eftir einvígið við þýska sóknarmanninn og var ekki búinn að ná góðu jafnvægi aftur þegar Tah skallaði boltann í markið.

Klopp er auðvitað Þjóðverji og var að vinna við sjónvarpsútsendingu frá leiknum. Hann setti í reiðikasti sínu fram flugbeitta skoðun sína.

„Ef þetta er brot þá hefði Arsenal ekki orðið Englandsmeistari. Þeir skora sextíu prósent marka sinna,“ sagði Klopp.

Arsenal varð Englandsmeistari í fyrsta sinn í 22 ár en liðið skoraði mikið af mörkum sínum úr föstum leikatriðum þar sem leikmenn liðsins fjölmenntu kringum markvörð mótherjanna í markteignum.