Handbolti

Stjörnurnar fá frí gegn Egyptum

Valur Páll Eiríksson skrifar
Bjarki Már Elísson er á meðal þeirra sem fer með til Egyptalands en nánast öll útilína Íslands fær frí, sem og lykilmenn á línu og í vörn.
Bjarki Már Elísson er á meðal þeirra sem fer með til Egyptalands en nánast öll útilína Íslands fær frí, sem og lykilmenn á línu og í vörn. VÍSIR/VILHELM

Snorri Steinn Guðjónsson hefur opinberað landsliðshóp Íslands fyrir komandi leiki við Egypta ytra um miðjan maí. Flestar stjörnur íslenska liðsins fá frí.

Snorri valdi óreyndan hóp fyrir komandi verkefni og fáir byrjunarliðsmenn íslenska liðsins sem verða með í för. Nánast öll útilína liðsins fær frí, sem og Björgvin Páll Gústavsson, markvörður.

Viktor Gísli Hallgrímsson er þó í hópnum, sem og menn á við Arnar Frey Arnarsson, Bjarka Má Elísson, Einar Þorstein Ólafsson, Orra Frey Þorkelsson, Óðin Þór Ríkharðsson og Teit Örn Einarsson sem hafa verið fastamenn.

Gísli Þorgeir Kristjánsson, Ómar Ingi Magnússon og Elvar Örn Jónsson, leikmenn Magdeburgar, fá allir frí og sama má segja um Janus Daða Smárason sem og línumennina Elliða Snæ Viðarsson og Ými Örn Gíslason.

Tveir FH-ingar, markvörðurinn Jón Þórarinn Þorsteinsson og Jón Bjarni Ólafsson, geta spilað sinn fyrsta leik fyrir landsliðið sem og Tryggvi Þórisson, leikmaður Elverum.

Leikirnir tveir við Egyptaland fara fram ytra dagana 13. og 15. maí næstkomandi.

Rætt verður við Snorra Stein um hópinn og komandi verkefni í Sportpakkanum á Sýn í kvöld.

Hópurinn er eftirfarandi:

Markmenn:

  • Viktor Gísli Hallgrímsson, FC Barcelona (85/2)
  • Jón Þórarinn Þorsteinsson, FH (0/0)
  • Ísak Steinsson, Drammen (3/0)

Aðrir leikmenn:

  • Arnar Freyr Arnarsson, Melsungen (118/123)
  • Bjarki Már Elísson, Veszprem (137/445)
  • Einar Bragi Aðalsteinsson, Kristianstad (2/0)
  • Einar Þorsteinn Ólafsson, Hamburg (36/8)
  • Elvar Ásgeirsson, Ribe-Esbjerg (21/24)
  • Haukur Þrastarsson, Rhein Neckar Löwen (58/80)
  • Jón Bjarni Ólafsson, FH (0/0)
  • Kristján Örn Kristjánsson, Skanderborg AGF Håndbold (37/72)
  • Orri Freyr Þorkelsson, Sporting (43/151)
  • Óðinn Þór Ríkharðsson, Kadetten (69/215)
  • Reynir Þór Stefánsson, Melsungen (3/2)
  • Sigvaldi Björn Guðjónsson, Kolstad (88/233)
  • Teitur Örn Einarsson, Gummersbach (58/52)
  • Tryggvi Þórisson, Elverum (0/0)
  • Þorsteinn Leó Gunnarsson, Porto (27/41)
Landslið karla í handbolta HSÍ

Mest lesið


Fleiri fréttir

Sjá meira


×

Mest lesið