Haukur Þrastar var stór­kost­legur í stór­sigri Ljónanna

Löwen vann leikinn með fjótán mörkum, 41-27, eftir að hafa verið 23-15 yfir í hálfleik.

Haukur endaði á því að koma með beinum hætti að 23 mörkum Ljónanna í leiknum, skoraði fimmtán mörk sjálfur og átti einnig átta stoðsendingar. Haukur klikkaði aðeins á þremur skotum allan leikinn, nýtti öll átta vítin sín og sjö af tíu skotum utan af velli.

Hann var bæði langmarkahæstur og langstoðsendingahæstur á vellinum.

Sigurinn skilar Löwen-liðinu upp í sjöunda sæti deildarinnar og upp fyrir annað Íslendingalið, Melsungen.

Haukur átti magnaðan fyrri hálfleik þar sem hann nýtti sjö af níu skotum sínum og gaf sex stoðsendingar að auki. Aðeins tvö af mörkum hans komu úr vítum.

Haukur kom því að þrettán af 23 mörkum Ljónanna í fyrri hálfleik en hann var hvergi nærri hættur því hann bjó til önnur tíu í þeim síðari.