Handbolti

Gagn­rýnir HSÍ og bendir á mis­ræmi: „Galið dæmi“

Aron Guðmundsson skrifar
Ásthildur Bertha, leikmaður ÍR, vakti athygli á misræmi þegar að kemur að fjölda auglýsinga HSÍ fyrir landsleiki karlalandsliðs Íslands annars vegar og kvennalandsliðsins hins vegar
Ásthildur Bertha, leikmaður ÍR, vakti athygli á misræmi þegar að kemur að fjölda auglýsinga HSÍ fyrir landsleiki karlalandsliðs Íslands annars vegar og kvennalandsliðsins hins vegar Vísir/Samsett

Ásthildur Bertha Bjarkadóttir, leikmaður í Olís deild kvenna í handbolta með liði ÍR, er allt annað en sátt með HSÍ ef marka má myndskeið sem hún birti á samfélagsmiðlinum TikTok.

Þar varpar Ásthildur ljósi á misræmi í vinnubrögðum hjá sambandinu er kemur að því að auglýsa leiki karlalandsliðs Íslands annars vegar og kvennalandsliðsins hins vegar.

Íslenska karlalandsliðið hefur nú nýlokið við að spila tvo æfingarleiki hér heima við sænska landsliðið og ekki er langt síðan að íslenska kvennalandsliðið spilaði leik í undankeppni EM hér heima gegn liði Svartfjallalands. 

Af myndskeiði Ásthildar að dæma voru leikir karlalandsliðsins mun meira auglýstir á samfélagsmiðlareikningum HSÍ heldur en leikur kvennalandsliðsins. 

@asthildurbertha Undirbúningur og auglýsingar fyrir VINÁTTULANDSLEIKI hjá A-landsliði karla vs undirbúningur og auglýsingar fyrir umspilsleiki að komast inn á STÓRMÓT hjá A-landsliði kvenna🤡 @HSI Iceland Handball ♬ Chopin Nocturne No. 2 Piano Mono - moshimo sound design

Myndskeið Ásthildar hefur vakið mikla athygli á TikTok og viðbrögðin láta ekki á sér standa: „Galið dæmi“ og „gerið betur“ er á meðal þess sem notendur samfélagsmiðilsins skrifa í athugasemdum undir myndbandið.

HSÍ Landslið kvenna í handbolta Landslið karla í handbolta Handbolti

Mest lesið


Fleiri fréttir

Sjá meira


×

Mest lesið