Allir sérfræðingar TV 2 með Gísla í úrvalsliðinu

Ingvi Þór Sæmundsson skrifar 31. janúar 2026 23:26

Gísli Þorgeir Kristjánsson hefur skorað 28 mörk á EM og gefið 54 stoðsendingar. vísir/vilhelm

Gísli Þorgeir Kristjánsson var valinn í öll úrvalsliðin sem TV 2 í Danmörku fékk þrjá sérfræðinga sína til að gera.

Gísli hefur spilað afar vel á EM og er stoðsendingahæsti maður mótsins.

Opinbert úrvalslið EM verður birt á morgun. TV 2 fékk þá Claus Møller Jakobsen, Lasse Svan og Rasmus Boysen til að taka forskot á sæluna og velja sitt úrvalslið auk besta leikmanns mótsins, besta unga leikmannsins og besta varnarmannsins.

Þremenningarnir voru allir með sömu útilínu í liðunum sínum. Gísla á miðjunni og svo dönsku skytturnar Mathias Gidsel og Simon Pytlick sitt hvoru megin við Hafnfirðinginn.

Allir völdu þeir Gidsel sem besta leikmann EM og Portúgalann Francisco Costa sem besta unga leikmanninn. Þeir eru markahæstir á mótinu með 61 mark hvor.

Andreas Wolff var í markinu í öllum úrvalsliðunum og Jakobsen valdi félaga hans í þýska landsliðinu, Johannes Golla, besta varnarmanninn. Svan valdi Danann Magnus Saugstrup sem besta varnarmanninn og Boysen Króatann David Mandic.

Úrvalslið þremenninganna má sjá með því að smella hér.

Gísli og félagar í íslenska landsliðinu mæta Króatíu í leiknum um bronsið á EM klukkan 14:15 á morgun. Klukkan 17:00 er svo komið að úrslitaleik Danmerkur og Þýskalands.

EM karla í handbolta 2026 Landslið karla í handbolta

Tengdar fréttir

Gidsel gefur lítið fyrir tuð Þjóðverja

Mathias Gidsel, markahæsti leikmaður Evrópumótsins í handbolta, segir að stuðningsmönnum Danmerkur sé frjálst að styðja liðið á þann hátt sem þeir kjósi.

31. janúar 2026 21:20

EM í dag: Meira EHF bras og Danir í forgangi

Dagurinn var tekinn snemma eftir svekkjandi tap fyrir Dönum í gær. EM í dag í höllinni í Herning innan um þreytta leikmenn.

31. janúar 2026 16:11

Segir Dag hafa beðist afsökunar

Forseti Evrópska handknattleikssambandsins segir Dag Sigurðsson, landsliðsþjálfara Króatíu hafa beðist afsökunar á því hvernig hann orðaði gagnrýni sína á keppnisfyrirkomulagi og skipulagi sambandsins á EM á blaðamannafundi fyrir úrslitahelgi mótsins í Herning.

31. janúar 2026 15:38

Bláir í rauðu hafi: „Eins og við værum boðflennur í einkapartýi“

Bræður frá Íslandi vöktu ekki mikla kátínu meðal danskra stuðningsmanna á leik Íslands og Danmerkur í undanúrslitum EM í handbolta í Herning í gær. Í miðri stúku voru þeir, tveir Íslendingar, innan um þúsundir danskra stuðningsmanna. „Við Íslendingar eigum alveg sama tilverurétt þarna og aðrir,“ segir annar bróðirinn í samtali við Vísi.

31. janúar 2026 13:56

„Mér var nákvæmlega sama um þetta allt saman“

Alfreð Gíslason er kominn með Þýskaland í úrslitaleik EM og hann var eftirsóttur maður á viðtalssvæðinu í Boxen í gær. Hann sagðist hafa átt fína nótt.

31. janúar 2026 13:32

Svaf yfir sig og missti af rútunni

Orri Freyr Þorkelsson kom með seinni skipum á fjölmiðlahitting íslenska landsliðsins í Herning í Danmörku eftir langa nótt. Stór hluti íslenska hópsins fékk að sofa út.

31. janúar 2026 12:46

„Ég nenni ekki að eyða orku í þetta EHF lið“

Þau voru þung skrefin hjá Snorra Steini Guðjónssyni landsliðsþjálfara í Boxen í morgun. Eðlilega enn svekktur eftir tapið í gær og svo var ekki mikill tími fyrir svefn þar sem fjölmiðlahittingurinn var snemma í morgun.

31. janúar 2026 12:02

Gróf stríðsöxina við framkvæmdastjóra EHF

Dagur Sigurðsson hefur sæst við framkvæmdastjóra EHF, sem hann segir góðan vin sinn. Legið hafi fyrir að Dagur myndi láta sambandið heyra það fyrir blaðamannafund vikunnar sem fór víða.

31. janúar 2026 11:15

Alfreð enn kóngurinn en „jarðaður út og suður“

Alfreð Gíslason er búinn að koma þýska landsliðinu í úrslitaleik EM í handbolta. Undir mikilli pressu og gagnrýni framan af sýndi Íslendingurinn að hann er ótvíræður kóngur í Þýskalandi að mæti sérfræðinga Besta sætisins. Þjóðverjar nái engum árangri nú til dags nema með Íslending í brúnni.

31. janúar 2026 10:48