Þungt Evrópu­kvöld á Ásvöllum

Gestirnir frá Spáni tóku snemma völdin á vellinum en staðan var 2-10 eftir tíu mínútur og leiddi 9-19 í hálfleik.

Eftir tíu mínútna leik í seinni hálfleik var munurinn svo kominn upp í 15 mörk, staðan 10-25 og fátt sem gekk upp hjá bikarmeisturunum gegn spænska liðinu.

Ebba Guðríður Ægisdóttir átti síðasta orðið í kvöld þegar hún skoraði 18 mark Hauka en lokatölur leiksins urðu 18-36 Málaga í vil.

Markahæst Hauka var Jóhanna Margrét Sigurðardóttir með fimm mörk og Rakel Oddný Guðmundsdóttir skoraði fjögur. Isabelle Medeiros skoraði tíu fyrir gestina.

Liðin mætast aftur á Spáni að viku liðinni.