Viðskipti innlent

Fjórir sér­fræðingar skoða mögu­leika Íslands í gjaldmiðlamálum

Kolbeinn Tumi Daðason skrifar
Daði Már Kristófersson er fjármálaráðherra.
Daði Már Kristófersson er fjármálaráðherra. Vísir/Ívar Fannar

Fjármála- og efnahagsráðuneytið hefur falið fjórum sérfræðingum að vinna skýrslu um valkosti Íslands í gjaldmiðlamálum. Verkefni hópsins verður að meta kosti og galla sjálfstæðs gjaldmiðils samanborið við aðild að stærra gjaldmiðlasvæði eins og evrusvæðinu.

Þetta kemur fram í tilkynningu frá fjármála- og efnahagsráðuneytinu. Skýrslunni verði skilað á fyrri hluta næsta árs og sé ætlað að skapa umræðuvettvang um gjaldmiðlamál Íslands.

Hópurinn verður leiddur af Catherine L. Mann, fyrrverandi aðalhagfræðingi OECD, sem situr í peningastefnunefnd seðlabanka Englands. Aðrir í starfshópnum eru Hilde Christiane Bjørnland, prófessor við Norska viðskiptaháskólann, Steinar Holden, prófessor við háskólann í Osló og Stijn Claessens fyrrum aðstoðarframkvæmdarstjóri hagfræðisviðs Alþjóðagreiðslubankans (BIS) sem er nú með stöðu við Yale-háskóla.

Íslenska krónan Evrópusambandið Ríkisstjórn Kristrúnar Frostadóttur


Mest lesið


Fleiri fréttir

Sjá meira


×

Mest lesið