Innlent

Fjöru­tíu grindhvalir fastir í Ólafs­firði

Rafn Ágúst Ragnarsson skrifar
Vaðan telur um fjörutíu stykki og unnið er að því að koma þeim af fjörunni og út í fjörð.
Vaðan telur um fjörutíu stykki og unnið er að því að koma þeim af fjörunni og út í fjörð. Arna Björk Valgeirdóttir

Grindhvalavaða sem telur um fjörutíu hvali er föst í fjörunni við Ólafsfjarðarhöfn. Björgunarsveitarmenn hafa verið ræstir út til að reyna koma vöðunni aftur á haf út. 

Kristófer Hannesson, varðstjóri hjá lögreglunni á Akureyri, segir að búið sé að virkja aðgerðarstjórn og björgunarsveitir til að aðstoða vöðuna. Unnið er að því að leysa þá af fjörubotninum.

Hvalirnir eru fastir í fjörunni rétt neðan við höfnina í Ólafsfirði.Arna Björk Valgeirdóttir

Áður en hvalirnir strönduðu syntu þeir um í Ólafsfjarðarhöfn. Þeir syntu hins vegar upp í fjöruna og liggja þar nú fastir. Kristófer segir háflóð áætlað klukkan tólf mínútur yfir sjö þá er vonast til þess að hægara verði að snúa hvölunum við og koma þeim aftur út í fjörðinn.

Eftirfarandi myndefni barst fréttastofu frá Örnu Björk Valgeirsdóttur, hársnyrtimeistara á Ólafsfirði.

Hvalir Fjallabyggð Dýr Dýraheilbrigði

Mest lesið


Fleiri fréttir

Sjá meira


×

Mest lesið