Innlent

Staf­ræn skír­teini hætta í símaveskjum

Silja Rún Sigurbjörnsdóttir skrifar
Nú þarf að ná í sérstakt forrit Íslands.is til að nota stafrænt ökuskírteini.
Nú þarf að ná í sérstakt forrit Íslands.is til að nota stafrænt ökuskírteini. GETTy

Undir lok sumars verður ekki hægt að vera með stafræn skírteini í símaveskjum heldur þarf að ná í sérstakt forrit. 

Útgáfu stafrænna ökuskírteina í símaveski verður hætt 1. júlí næstkomandi. Allir sem hyggjast nota stafræn skírteini verða að hlaða niður smáforriti Íslands.is fyrir 27. ágúst 2025 og ná í skilríkin þar. 

„Opinber skírteini sem eru aðgengileg stafrænt eru ökuskírteini, vinnuvéla- og ADR réttindi, skotvopnaleyfi, veiðikort og örorkuskírteini en til viðbótar má nálgast stafrænt upplýsingar um vegabréf, evrópska sjúkratryggingakortið, stæðiskort (p-kort) og von bráðar einnig ný nafnskírteini gefin út af Þjóðskrá“ segir í tilkynningu á Ísland.is.

Breytingin er sögð auka öryggi og virkni stafrænna skírteina.




Fleiri fréttir

Sjá meira


×