Innlent

Ók hlaupahjólinu á tré með pizzu í annarri

Lovísa Arnardóttir skrifar
Lögreglan sinnti fjölbreyttum verkefnum í gærkvöldi og í nótt, mörg vegna ölvunar.
Lögreglan sinnti fjölbreyttum verkefnum í gærkvöldi og í nótt, mörg vegna ölvunar. Vísir

Nokkuð virðistt hafa verið um ölvun víða á höfuðborgarsvæðinu í gærkvöldi og í nótt. Í dagbók lögreglu er fjallað um ökumenn sem eru grunaðir um akstur undir annað hvort áfengi eða annarra vímuefna og víða á höfuðborgarsvæðinu tilkynnt um samkvæmishávaða.

Alls gistu sex í fangaklefa lögreglunnar í nótt og voru 106 mál skráð frá klukkan 17 til fimm í nótt. Einn var til dæmis handtekinn fyrir að fara ekki eftir fyrirmælum lögreglunnar og hafa í hótunum við starfsfólk á hóteli.

Einn var handtekinn vegna gruns um líkamsárás og brot á vopnalögum og gisti í fangaklefa og annar handtekinn fyrir eignaspjöll.

Þá var einnig tilkynnt um ökumann sem ók á staur og gekk í burtu frá vettvangi. Lögregla fann manninn stuttu síðar og handók hann vegna gruns um akstur undir áhrifum. Þá var einnig tilkynng um rafhlaupahjólaslys í Kópavogi eða Breiðholti þar sem ökumaður hjóls ók á tré á meðan hann hélt á pizzu í annarri hendi og stýrði hjólinu með hinni. Í dagbók segir að ökumaðurinn hafi verið undir áhrifum og hafi verið fluttur á bráðamóttöku.

Þá var kveikt í grasi á gervigrasvelli en búið að slökkva eldinn þegar lögregla kom á vettvang. Tilkynnt var um þetta á stöð 4 sem sér um Grafarvog, Mosfellsbæ og Árbæ.




Fleiri fréttir

Sjá meira


×