Brynja yfir­maður markaðs­eftir­lits Nas­daq Iceland

Í tilkynningu frá Nasdaq Iceland segir að Brynja hafi starfað hjá Nasdaq Iceland frá árinu 2020, fyrst sem sérfræðingur í markaðseftirliti og síðar sem viðskiptastjóri á skráningarsviði.

„Brynja er að ljúka við tvær mastersgráður í fjármálahagfræði og alþjóðasamskiptum við Háskóla Íslands. Hún lauk B.Sc. í viðskiptafræði með áherslu á fjármál frá sama skóla árið 2018.

Markaðseftirlit Nasdaq Iceland hefur eftirlit með upplýsingagjöf útgefenda skráðra verðbréfa og viðskiptum á markaði, auk tengdrar þjónustu,“ segir í tilkynningunni.