Ráðuneytið ógilti lóðaúthlutun fyrir milljarða Árni Sæberg skrifar 21. maí 2025 06:33 Eyjólfur Ármannsson er innviðaráðherra. Ásdís bæjarstjóri ætlar að taka slaginn við ráðuneyti hans. Vísir/Anton Brink Bæjarráð Kópavogs hefur falið bæjarstjóra að undirbúa málshöfðun til ógildingar úrskurðar innviðaráðuneytisins, sem úrskurðaði á dögunum að lóðaúthlutun bæjarins hefði verið ólögmæt. Væntar tekjur af úthlutuninni voru 2,7 milljarðar króna. Fulltrúi minnihlutans segir fjárhag bæjarins í verulegu uppnámi vegna málsins. Í fundargerð fyrir fund bæjarráðs þann 8. maí síðastliðinn segir að ráðið hafi samþykkt með þremur atkvæðum og hjásetu tveggja fulltrúa minnihlutans að fela Ásdísi Kristjánsdóttur bæjarstjóra að undirbúa málshöfðun til ógildingar úrskurðar innviðaráðuneytisins. Með úrskurðinum var úthlutun lóðabyggingarréttar að Roðahvarfi númer 2 til 36 og 1 til 21 ógilt. Roðahvarf er hluti nýs hverfis í Kópavogi, Vatnsendahvarfs. Úthlutun lóða í hverfinu hófst í fyrra. „Undirrituð telja með vísan til þeirra hagsmuna Kópavogs og núverandi lóðarhafa að láta reyna á gildi úrskurðarins fyrir dómi. Að mati óháðra lögfræðiráðgjafa má færa rök fyrir því að úrskurðurinn sé haldinn verulegum annmörkum að formi og efni til. Við leggjum því til að bæjarstjóra verði falið að undirbúa málshöfðun fyrir héraðsdómi til að fá úrskurði ráðuneytisins frá 2. maí hnekkt,“ segir í bókun meirihlutans vegna málsins. Grafi undan góðu uppgjöri Theodóra S. Þorsteinsdóttir, oddviti Viðreisnar í Kópavogi, vakti athygli á málinu í Kópavogsblaðinu á dögunum. Það gerði hún í samhengi við útgáfu ársreiknings bæjarins. Í ársreikningum kom fram að rekstur Kópavogsbæjar hefði styrkst verulega árið 2024 og afkoman hefði verið sú besta í fjölda ára. Rekstrarafgangur samstæðu bæjarins hefði verið 4,5 milljarðar króna. Í fréttatilkynningu um ársreikninginn sagði að áhersla á traustan rekstur og fyrsta úthlutun í nýju hverfi í Vatnsendahvarfi hefði verið meginskýring niðurstöðu ársreiknings. „Það var því látið líta út fyrir að fyrir ábyrgan rekstur og miklar hagræðingar þá væri rekstrarniðurstaðan 4,5 milljarðar. Það er auðvitað blekking og auk þess var rekstrarkostnaður í reynd 300 milljónum króna hærri en áætlanir gerðu ráð fyrir og vaxtaberandi skuldir hækkuðu. Já, það má lesa þetta aftur. Vaxtaberandi skuldir hækkuðu á sama tíma og bæjarbúar greiddu hærri álögur en þeir gerðu ráð fyrir skv. áætlunum sveitarfélagsins,“ sagði Theódóra í grein sinni í Kópavogsblaðinu. Uppfært: Almannatengill Kópavogsbæjar hefur óskað eftir því að koma því á framfæri að þessu sé meirihluti bæjarstjórnar ósammála, enda hafi ársreikningur Kópavogsbæjar fyrir árið 2024 verið endurskoðaður og staðfestur af bæjarstjórn Kópavogs. Adam ekki lengi í paradís Theodóra segir að eftir útgáfu ársreikningsins hefði Adam ekki verið lengi í paradís. Fagnaðarlæti Ásdísar bæjarstjóra hefðu ekki verið þögnuð þegar innviðaráðuneytið kvað upp úrskurð þar sem ákvörðun Kópavogsbæjar um úthlutun lóða og byggingarrétta í Vatnsendahvarfi var felld úr gildi því hún færi í bága við jafnræðisreglu stjórnsýslulaga og réttmætisreglu stjórnsýsluréttar. Um væri að ræða sex lóðir að verðmæti um 2,7 milljarða, af 3,1 milljarði, en búið væri að gera lóðaleigusamninga og þinglýsa þeim á lóðirnar. „Það þýðir að stór hluti af þessum rekstrarafgangi er í fullkomnu uppnámi. Þetta er verulega vond staða sem meirihlutinn í Kópavogi ber alla ábyrgð á og það sem stendur eftir í rekstrarreikningi bæjarins fyrir árið 2024 er aukinn rekstrarkostnaður, auknar álögur og hækkandi skuldir.“ Kom verulega á óvart Í svari við fyrirspurn Vísis um málið segir Ásdís bæjarstjóri að niðurstaða innviðaráðuneytisins hefði komið verulega á óvart, enda hefði ráðuneytið áður hafnað beiðni um að fresta réttaráhrifum kærunnar fyrir rétt um ári síðan. „Með vísan til hagsmuna Kópavogs og núverandi lóðarhafa er talið rétt að láta reyna á gildi úrskurðarins fyrir dómi. Að mati óháðra lögfræðiráðgjafa Kópavogsbæjar má færa rök fyrir því að úrskurðurinn sé haldinn verulegum annmörkum að formi og efni til. Þá gerum við alvarlegar athugasemdir við að málsmeðferðin hafi tekið tæpt ár hjá ráðuneytinu, sér í lagi í ljósi stöðunnar á húsnæðismarkaði. Við eru að undirbúa málshöfðun fyrir héraðsdómi og hefur bæjarráð falið mér það verkefni.“ Kópavogur Skipulag Ríkisstjórn Kristrúnar Frostadóttur Húsnæðismál Fasteignamarkaður Tengdar fréttir Samþykkja tólf ný götuheiti í Vatnsendahverfi Skipulagsráð Kópavogs hefur samþykkt tillögu umhverfissviðs bæjarins um tólf ný götuheiti í Vatnsendahverfi í Kópavogi og hefur málinu verið vísað til afgreiðslu bæjarráðs og bæjarstjórnar. 19. desember 2023 10:41 Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Hagnaður minnkar um 1,5 milljarða milli ára Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Tengiltvinnari fyrir taugatrekkta Samstarf Svona lögðu Kínverjar framtíðina undir sig Viðskipti erlent Fleiri fréttir Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Sjá meira
Í fundargerð fyrir fund bæjarráðs þann 8. maí síðastliðinn segir að ráðið hafi samþykkt með þremur atkvæðum og hjásetu tveggja fulltrúa minnihlutans að fela Ásdísi Kristjánsdóttur bæjarstjóra að undirbúa málshöfðun til ógildingar úrskurðar innviðaráðuneytisins. Með úrskurðinum var úthlutun lóðabyggingarréttar að Roðahvarfi númer 2 til 36 og 1 til 21 ógilt. Roðahvarf er hluti nýs hverfis í Kópavogi, Vatnsendahvarfs. Úthlutun lóða í hverfinu hófst í fyrra. „Undirrituð telja með vísan til þeirra hagsmuna Kópavogs og núverandi lóðarhafa að láta reyna á gildi úrskurðarins fyrir dómi. Að mati óháðra lögfræðiráðgjafa má færa rök fyrir því að úrskurðurinn sé haldinn verulegum annmörkum að formi og efni til. Við leggjum því til að bæjarstjóra verði falið að undirbúa málshöfðun fyrir héraðsdómi til að fá úrskurði ráðuneytisins frá 2. maí hnekkt,“ segir í bókun meirihlutans vegna málsins. Grafi undan góðu uppgjöri Theodóra S. Þorsteinsdóttir, oddviti Viðreisnar í Kópavogi, vakti athygli á málinu í Kópavogsblaðinu á dögunum. Það gerði hún í samhengi við útgáfu ársreiknings bæjarins. Í ársreikningum kom fram að rekstur Kópavogsbæjar hefði styrkst verulega árið 2024 og afkoman hefði verið sú besta í fjölda ára. Rekstrarafgangur samstæðu bæjarins hefði verið 4,5 milljarðar króna. Í fréttatilkynningu um ársreikninginn sagði að áhersla á traustan rekstur og fyrsta úthlutun í nýju hverfi í Vatnsendahvarfi hefði verið meginskýring niðurstöðu ársreiknings. „Það var því látið líta út fyrir að fyrir ábyrgan rekstur og miklar hagræðingar þá væri rekstrarniðurstaðan 4,5 milljarðar. Það er auðvitað blekking og auk þess var rekstrarkostnaður í reynd 300 milljónum króna hærri en áætlanir gerðu ráð fyrir og vaxtaberandi skuldir hækkuðu. Já, það má lesa þetta aftur. Vaxtaberandi skuldir hækkuðu á sama tíma og bæjarbúar greiddu hærri álögur en þeir gerðu ráð fyrir skv. áætlunum sveitarfélagsins,“ sagði Theódóra í grein sinni í Kópavogsblaðinu. Uppfært: Almannatengill Kópavogsbæjar hefur óskað eftir því að koma því á framfæri að þessu sé meirihluti bæjarstjórnar ósammála, enda hafi ársreikningur Kópavogsbæjar fyrir árið 2024 verið endurskoðaður og staðfestur af bæjarstjórn Kópavogs. Adam ekki lengi í paradís Theodóra segir að eftir útgáfu ársreikningsins hefði Adam ekki verið lengi í paradís. Fagnaðarlæti Ásdísar bæjarstjóra hefðu ekki verið þögnuð þegar innviðaráðuneytið kvað upp úrskurð þar sem ákvörðun Kópavogsbæjar um úthlutun lóða og byggingarrétta í Vatnsendahvarfi var felld úr gildi því hún færi í bága við jafnræðisreglu stjórnsýslulaga og réttmætisreglu stjórnsýsluréttar. Um væri að ræða sex lóðir að verðmæti um 2,7 milljarða, af 3,1 milljarði, en búið væri að gera lóðaleigusamninga og þinglýsa þeim á lóðirnar. „Það þýðir að stór hluti af þessum rekstrarafgangi er í fullkomnu uppnámi. Þetta er verulega vond staða sem meirihlutinn í Kópavogi ber alla ábyrgð á og það sem stendur eftir í rekstrarreikningi bæjarins fyrir árið 2024 er aukinn rekstrarkostnaður, auknar álögur og hækkandi skuldir.“ Kom verulega á óvart Í svari við fyrirspurn Vísis um málið segir Ásdís bæjarstjóri að niðurstaða innviðaráðuneytisins hefði komið verulega á óvart, enda hefði ráðuneytið áður hafnað beiðni um að fresta réttaráhrifum kærunnar fyrir rétt um ári síðan. „Með vísan til hagsmuna Kópavogs og núverandi lóðarhafa er talið rétt að láta reyna á gildi úrskurðarins fyrir dómi. Að mati óháðra lögfræðiráðgjafa Kópavogsbæjar má færa rök fyrir því að úrskurðurinn sé haldinn verulegum annmörkum að formi og efni til. Þá gerum við alvarlegar athugasemdir við að málsmeðferðin hafi tekið tæpt ár hjá ráðuneytinu, sér í lagi í ljósi stöðunnar á húsnæðismarkaði. Við eru að undirbúa málshöfðun fyrir héraðsdómi og hefur bæjarráð falið mér það verkefni.“
Kópavogur Skipulag Ríkisstjórn Kristrúnar Frostadóttur Húsnæðismál Fasteignamarkaður Tengdar fréttir Samþykkja tólf ný götuheiti í Vatnsendahverfi Skipulagsráð Kópavogs hefur samþykkt tillögu umhverfissviðs bæjarins um tólf ný götuheiti í Vatnsendahverfi í Kópavogi og hefur málinu verið vísað til afgreiðslu bæjarráðs og bæjarstjórnar. 19. desember 2023 10:41 Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Hagnaður minnkar um 1,5 milljarða milli ára Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Tengiltvinnari fyrir taugatrekkta Samstarf Svona lögðu Kínverjar framtíðina undir sig Viðskipti erlent Fleiri fréttir Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Sjá meira
Samþykkja tólf ný götuheiti í Vatnsendahverfi Skipulagsráð Kópavogs hefur samþykkt tillögu umhverfissviðs bæjarins um tólf ný götuheiti í Vatnsendahverfi í Kópavogi og hefur málinu verið vísað til afgreiðslu bæjarráðs og bæjarstjórnar. 19. desember 2023 10:41