Hann stökk upp í flugvél og hélt af stað en vissi ekki að þetta yrðu stærstu sinueldar Íslandssögunnar. Þegar hann nálgaðist eldana og sá reykjarmökkinn varð honum ljóst hversu mikið umfang eldanna var.
Þegar RAX kom loks að eldunum sá hann hvernig þeir breiddust út á ógnarhraða enda var jarðvegurinn óvenju þurr.
Bændur á svæðinu notuðu haugsugur til að dreifa vatni, mykju, og kúahlandi til þess að bleyta jarðveginn og hefta útbreiðslu eldanna en bæði íbúðarhús og útihús voru í mikilli hættu.
Einna tæpast stóðu bæirnir í Skíðsholti og Laxárholti en á síðarnefnda bænum átti eldurinn aðeins u.þ.b. 10 metra ófarna í fjósvegginn þar sem 70 kýr voru innandyra.
Söguna af sinueldunum má sjá í spilaranum hér fyrir neðan.
